Jain Adarsh Prasango Part 03

Author(s): Bhadreshwarvijay
Publisher: Bhadreshwarvijay

Page 9

આનંદને અનુભવવા તમારે પણ અહીં જ આવવું પડે ! જગતના સર્વ જીવો સાચા આત્મિક સુખને પામો એ જ પ્રભુને પ્રાર્થના.”
૪. કોલેજપ્રવેશને બદલે સંયમ “પપ્પા, મમ્મી ! આવતે વર્ષે મારે કોલેજમાં દાખલ થવું છે.” દિવ્યાએ પંકજભાઈને વિનંતી કરી. પિતાજીએ ફરી સમજાવી, “બેટા ! તારે સંગીત, કોમ્યુટર વગેરે જે ઇચ્છા હોય તે શીખ, પરંતુ મારે તને કોલેજમાં ભણાવવાની જરાય ઇચ્છા નથી !” મુંબઇમાં ૩ વર્ષ પહેલા બનેલી આ તદન સત્ય ઘટનાના નામ બદલ્યા છે. દિવ્યા ખાનદાન, સંસ્કારી હતી. તેથી કોલેજમાં ન ભણવાની પપ્પાની ઇચ્છા તેણે વધાવી લીધી ! પરંતુ સખીઓની કોલેજની અમનચમનની વાતો સાંભળી આ મોજીલી યુવતીને કોલેજમાં મજા માણવાનું મન થઇ ગયું. ઘણું સમજાવવા છતાં કોલેજની ખૂબ ઇચ્છા જાણી પિતાશ્રીએ એક શરત મૂકી કે તું પહેલા ઉપધાન કરે તો કોલેજ ભણાવું !!! પંકજભાઈને મનમાં હતું કે વર્તમાન વિલાસી વાતાવરણ મારી સુપુત્રીને કદાચ ગેર માર્ગે દોરી જશે. જો ઉપધાન કરે તો એ ધર્મ સમજી જાય. તો ખોટા રસ્તે દુ:ખી ન થાય. સુપુત્રીએ પણ શરત સ્વીકારી !
ગચ્છાધિપતિ, પ. પૂ. આ. ભ. શ્રી જયઘોષસૂરીશ્વરજી મ. સા. ની નિશ્રામાં કલિકુંડમાં ઊપધાન થવાના હતા. પંકજભાઈએ પુત્રીને ત્યાં લઇ જઇ પ્રશાંતમૂર્તિ પૂ. આ. શ્રી જગચંદ્રસૂરિ મ. સા. ને વિનંતી કરી, “આ ધર્મરહિત પુત્રી મારા કહેવાથી ઉપધાન કરે છે. એને તકલીફ ન પડે.” પૂ. શ્રી એ સાધ્વીજી સંવેગનિધિશ્રી મ.ને બોલાવી સાચવવાની ભલામણ કરી. જિનવાણી શ્રવણ, પ્રભુની ફરમાવેલી ઉપધાનની પવિત્ર | જૈન આદર્શ પ્રસંગો-૩ 5 8િ [૧૦૫]