Dash Vaikalika Sutra

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 113

ਜਿਸ ਪ੍ਰਕਾਰ ਰਾਤ ਬੀਤ ਜਾਨ ਤੇ ਦਿਨ ਹੋਇਆ ਪੈਦਾ ਕਰਦਾ ਸੂਰਜ ਸਾਰੇ ਭਰਤ ਖੇਤਰ ਨੂੰ ਰੋਸ਼ਨੀ ਦਿੰਦਾ ਹੈ ਉਸ ਪ੍ਰਕਾਰ ਅਚਾਰਿਆ ਵੀ ਸ਼ੁੱਧ ਸਰੂਤ ਸੁਤਰ ਗਿਆਨ, ਸ਼ੀਲ, ਬੁੱਧੀ ਵਾਲੇ ਉਪਦੇਸ਼, ਸਤਿਗੁਰੂ ਆਚਾਰਿਆ ਤੋਂ ਜੀਵ ਆਦਿ ਪਦਾਰਥਾਂ ਦੇ ਸੰਪੂਰਨ ਸਵਰੂਪ ਨੂੰ ਪ੍ਰਕਾਸ਼ਮਾਨ ਕਰਦੇ ਹਨ। ਜਿਵੇਂ ਦੇਵਤਿਆਂ ਵਿੱਚ ਇੰਦਰ ਸੋਭਾਏ (ਮਾਨ) ਹੈ ਉਸੇ ਪ੍ਰਕਾਰ ਆਚਾਰਿਆ ਭਗਵਾਨ, ਮੁਨੀ ਮੰਡਲ ਵਿੱਚ ਸੁਭਾਏਮਾਨ ਹੁੰਦੇ ਹਨ। ॥੧੪॥
ਜਿਸ ਪ੍ਰਕਾਰ ਕੱਤਕ ਪੂਰਣਮਾਸ਼ੀ ਦੇ ਦਿਨ ਬੱਦਲਾਂ ਤੋਂ ਰਹਿਤ ਨਿਰਮਲ ਅਕਾਸ਼ ਵਿੱਚ ਨਛੱਤਰ ਤੇ ਤਾਰਾ ਸਮੂਹ ਨਾਲ ਘਿਰਿਆ ਚੰਦਰਮਾ ਸ਼ੋਭਾ ਪਾਉਂਦਾ ਹੈ। ਉਸੇ ਪ੍ਰਕਾਰ ਸਾਧੂਆਂ ਵਿੱਚ ਸਤਿਗੁਰੂ ਆਚਾਰਿਆ ਸ਼ੋਭਾ ਪਾਉਂਦੇ ਹਨ। ॥੧੫॥
ਅੰਨਤ ਗਿਆਨ ਆਦਿ ਭਾਵ ਰਤਨਾ ਦੀ ਖਾਨ ਦੀ ਤਰ੍ਹਾਂ ਸਮਾਧੀ, ਯੋਗ, ਸਰੁਤ, ਸ਼ੀਲ ਅਤੇ ਬੁੱਧੀ ਦੇ ਮਹਾਨ ਧਨੀ ਮਹਾਂਰਿਸ਼ੀ ਆਚਾਰਿਆ ਭਗਵਾਨ ਤੋਂ ਉੱਚ ਗਿਆਨ ਆਦਿ ਦੀ ਪ੍ਰਾਪਤੀ ਦੇ ਲਈ ਚੇਲੇ ਨੂੰ ਵਿਨੈ ਰਾਹੀਂ ਅਰਾਧਨਾ ਕਰਨੀ ਚਾਹੀਦੀ ਹੈ ਇਕ ਵਾਰ ਹੀ ਨਹੀਂ, ਕਰਮ ਨਿਰਜਰਾ ਲਈ ਵਾਰ-ਵਾਰ ਵਿਨੈ ਕਰਨ ਨਾਲ ਆਚਾਰਿਆ ਭਗਵਾਨ ਪ੍ਰਸ਼ਨ ਹੁੰਦੇ ਹਨ। ॥੧੬॥
ਇਨ੍ਹਾਂ ਸੁੰਦਰ ਬਚਨਾ ਨੂੰ ਸੁਣ ਕੇ ਸਮਝਦਾਰ ਮੁਨੀ ਸਤਿਗੁਰੂ ਆਚਾਰਿਆ ਭਗਵਾਨ ਦੀ ਲਗਾਤਾਰ, ਨਿਰੰਤਰ, ਪ੍ਰਮਾਦ ਰਹਿਤ ਹੋ ਕੇ ਸੇਵਾ ਕਰੇ। ਇਸ ਪ੍ਰਕਾਰ ਉਪਰੋਕਤ ਗੁਣ ਵਾਲਾ, ਸਤਿਗੁਰੂ ਆਚਾਰਿਆ ਦੀ ਸੇਵਾ ਕਰਨ ਵਾਲਾ ਮੁਨੀ ਕਈ ਪ੍ਰਕਾਰ ਦੇ ਗਿਆਨ ਗੁਣ ਦੀ ਅਰਾਧਨਾ ਕਰਦਾ ਹੋਇਆ ਮੋਕਸ਼ ਚਲਾ ਜਾਂਦਾ ਹੈ।
॥੧੭॥
ਇਸ ਪ੍ਰਕਾਰ ਮੈਂ ਆਖਦਾ ਹਾਂ ।