________________
ભોજે હાથોહાથ બીડું લીધું પાનનાં બીડાંની છાબ લઈને દરબારમાં ગયા. - દામોદરે છાબવાળાના વેશમાં રહેલા રાજા ભીમદેવને કહ્યું, “જાઓ, મહારાજને હાથોહાથ પાનનું બીડું આપો.'
રાજા ભોજ મોજમાં હતો. એણે હાથોહાથ બીડું લીધું ને બોલ્યો, ‘મહેતા ! તમારા રાજા ભીમદેવને જોવાની મને ઇચ્છા છે.”
દામોદર કહે, “ધણીનો કોઈ ધણી છે ? તેઓ અહીં થોડા આવે? છતાં મહારાજ ! આ છાબવાળાને જુઓ ! આ જ આકૃતિ, આ જ રૂપ, આ જ વય. સાક્ષાત્ ગજેન્દ્ર ભીમદેવ જ જોઈ લો. ફરક એટલો કે આ સેવકરામ છે અને પેલા રાજારામ છે.'
રાજા ભોજની નજર ચકોર હતી. એ શરીર પરનાં લક્ષણોથી માણસને પારખી શકતો. એને વહેમ પડી ગયો કે આ પાનબીડાંની છાબવાળો કદાચ ભીમદેવ પોતે હોય.
દામોદરે માલવપતિની નજર પારખી લીધી. તરત ભીમદેવને તે કહ્યું, ‘જાઓ જાઓ ! માલવપતિને જે ભેટ ધરવાની છે તે તરત ને
તરત લઈ આવો. ભેટ ધરવાનો આ ખૂબ જ અનુકૂળ સમય છે.”
8 0 ડાહ્યો ડમરો
