Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 522

.. पण्णवणासुत्तं प० 18 अगंताओ उस्सप्पिणीओसप्पिणीओ कालओ, खेत्तओ अवढं पोग्गलपरियटै देसूणं। इथिवेदए णं भंते ! इत्थिवेदएत्ति कालओ केवच्चिरं होइ ? गोयमा ! एगेणं आएसेणं जहणणेणं एक समयं, उक्कोसेणं दसुत्तरं पलिओवमसयं पुव्वकोडिपुहुत्तमन्भहियं 1, एगेणं आएसेणं जहणणं एगं समयं, उक्कोसेणं अट्ठारसपलिओवमाई पुवकोडिपुहुत्तमन्भहियाइं 2, एगेणं आएसेणं जहण्णेणं एगं समयं, उक्कोसेणं चउदस पलिओवमाई पुवकोडिपुहुत्तमन्महियाई 3, एगेणं आएसेणं जहण्णेणं एगं समयं, उक्कोसेणं पलिओवमसयं पुव्वकोडिपुत्तमम्महियं 4, एगेणं आएसेणं जहण्णेणं एगं समयं, उक्कोसेणं पलिओवमपुहुत्तं पुत्वकोडिपुहुत्तमब्भहियं 5 / पुरिसवेदए णं भंते ! पुरिसवेदएत्ति• 1 गोयमा ! जहण्णेणं अंतोमुहुत्तं, उक्कोसेणं सागरोवमसय. पुहुत्तं साइरेगं / णपुंसगवेदए णं भंते! णपुंसगवेदएत्ति पुच्छा / गोयमा ! जहण्णेणं एगं समयं, उक्कोसेणं वणस्सइकालो। अवेयए णं भंते ! अवेयएत्ति पुच्छा। गोयमा! अवेयए दुविहे पण्णत्ते / तंजहा-साइए वा अपजवसिए, साइए वा सपजवसिए / तत्थ णं जे से साइए सपजवसिए से जहणेणं एगं समयं, उक्कोसेणं अंतोमुहुत्तं // दारं 6 // 538 // सकसाई णं भंते ! सकसाइत्ति कालओ केवच्चिरं होइ ? गोयमा!. सकसाई तिविहे पण्णत्ते / तंजहा-अणाइए वा अपजवसिए, अणाइए वा सपजवसिए, साइए वा सपजवसिए जाव अवर्ल्ड पोग्गलपरियÉ देसूणं / कोहकसाई गं भंते! पुच्छा / गोयमा! जहण्णेण वि उक्कोसेण वि अंतोमुद्दुत्त, एवं जाव माणमायाकसाई / लोभकसाई णं भंते ! लोभकसाइत्ति पुच्छा। गोयमा! जहणणं एक्कं समयं, उक्कोसेणं अंतोमुहुत्तं / अकसाई णं भंते ! अंकसाइत्ति कालओ केवच्चिरं होइ ? गोयमा ! अकसाई दुविहे पण्णत्ते / तंजहा-साइए वा अपजवसिए, साइए वा सपजवसिए / तत्थ णं जे से साइए सपजवसिए से जहण्णेणं एगं समयं, उक्कोसेणं अंतोमुहत्तं // दारं 7 // 539 // सलेसे णं भंते ! सलेसेत्ति पुच्छा। गोयमा ! सलेसे दुविहे पण्णत्ते / तंजहा-अणाइए वा अपजवसिए, अणाइए वा सपजवसिए / कण्हलेसे णं भंते ! कण्हलेसेत्ति कालओ केवच्चिरं होइ ? गोयमा! जहण्णेणं अंतोमुहुत्तं, उक्कोसेणं तेसीसं सागरोवमाइं. अंतोमुहुत्तमब्भहियाई / णीललेसे णं भंते ! णीललेसेत्ति पुच्छा / गोयमा ! जहण्णेणं अंतोमुहुत्तं, उक्कोसेणं दस सागरोवमाइं पलिओवमासंखिजइभागमब्भहियाई / काउलेसे णं पुच्छा / गोयमा ! जहण्णणं अंतोमुहत्तं, उक्कोसेणं तिण्णि सागरोवमाई पलिओवमासंखिजइभागमभहियाइं / तेउलेसे गं