Agam 05 Ang 05 Bhagvati Vyakhya Pragnapti Sutra Part 02 Shwetambar

Author(s): Purnachandrasagar
Publisher: Jainanand Pustakalay

Page 240

| गोसाले मंखलिपुत्ते समणेहिं निग्गंश्रेहिं भम्मियाए मडियोयणाए पछि योतिजमाणे जाव निष्पट्टपसिणवागरणे कीरमाणे आसुरु ते जाव | |मिसिमिसेमाणे नो संचाएति समणाणं निग्गंथाणं सरीरगस्स किंचि आबाहं वा वाबाहं वा उप्पाएनए छविच्छेदं वा करेत्तए, तए णं ते | आजीविया थेरा गोसालं मंखलिपुत्तं समणेहिं निग्गंथेहिं धम्मियाए पडिचोयणाए पडिचोएजमाणं धम्मियाए पडिसारणाए पडिसारिजमाणं धम्मिएणं पडोयारेण य पडोयारेज्जमाणं अट्ठेहि य हेऊहि य जाव कीरमाणं आसुरुत्तं जाव मिसिमिसेमाणं समणाणं निग्गंथाणं सरीरगस्स किंचि आबाहं वा वाबाहं वा छविच्छेदं वा अकरेमाणं पासंति ता गोसालस्स मंखलिपुत्तस्स अंतियाओ आयाए अवक्कमंति त्ता जेणेव समणे भगवं महावीरे तेणेव उवागच्छंति ता समणं भगवं महावीरं तिक्खुत्तो आया० वंदंति नर्मसंति ता समणं भगवं महावीरं उवसंपज्जित्ताणं विहरति, अत्थेगइया आजीविया थेरा गोसालं चेव मंखलिपुत्तं उवसंपज्जित्ताणं विहरति, तए णं से गोसाले मंखलिपुत्ते जस्सट्ठाए हव्वमागए तमहं असाहेमाणे रुंदाई पलोएमाणे दीहुण्हाई नीसासमाणे दाढियाए लोभाई लुंचेमाणे अवड्ड कंडूनमाणे पुयलिं पण्फोडेमाणे हत्थे विणिद्धणमाणे दोहिवि पाएहिं भूमिं कोट्टेमाणे हाहा अहो ! हओऽहमस्सीतिकट्टु समणस्स भ० महा० अंतियाओ कोट्ठायाओ चेइयाओ पडिनिक्खमति ता जेणेव सावत्थी नगरी जेणेव हालाहलाए कुंभकारीए कुंभकारावणे तेणेव उवागच्छइ ता हालाहलाए कुंभकारीए कुंभकारावणंसि अंबकूणगहत्थगए भज्जपाणगं पियमाणे अभिक्खणं गायमाणे अभिक्खणं नच्चमाणे अभिक्खणं हालाहलाए कुंभकारीए अंजलिकम्मं करेमाणे सीयलएणं मट्टियापाणएणं आयंचणिउदएणं गायाई परिसिंचमाणे विहरति पू. सागरजी म. संशोधित
॥ श्रीभगवती सूत्रं ॥
२२९