________________ ६/श्रीचतुर्विंशति-जिनस्तुतयः इति अभिपूर्वकाद् दद् धातोः हिंसार्थकाद्यङि लुटिद्वत्वात्वेषु सत्सु अभिदादय इत्यबस्थायां वर्तमानायां तिवि ईत्वे अभिदादयीति-अभिजेघ्नयीति / धूपसारादिवत्-धूपः सारो यस्य स तथा, सारो धूप इत्यर्थः, सरलद्र :, तद्वत्, यथा सरलद्र मंस्वल्पपरिश्रमेणैव चेच्छिद्यते तथा चेच्छिदीतीत्यर्थः / यश्चेत्यनुषज्यते / धूपाद्यान्-यक्षकर्दमादिप्रमुखान् / अगुरून-कालागुरूश्च / यद्वा--अगुरुप्रमुखान् धूपादीनित्यर्थः / अभिदादयीति-पुनः पुनरतिशयेन बा दयते ददातीति अभिदादयीति, अभिदादयीतीत्यर्थः / प्रक्रियाऽनुपदमुक्तव / तथा ये, ते--तव / पुरतःअग्रे / पूजाय-अर्चासम्पत्त्यै / भोग्यभोगान्-भोग्यान्--उपभोग्यान् भोज्यभिन्नानुपलक्षणत्बाद भोज्यांश्च भोगान् मिष्टान्नादिनैवेद्यान् / परिदादयीति--पुनःपुनरतिशयेन वा परिदयते इति परिदादयीति-परिमिवेविदीति, पुनःपुनर्भृशं वा समर्पयति / तान्--तादृशान् भक्तजनान् / सः-प्रसिद्धः। श्रीसांवरेयः--सम्वरस्य स्त्री सम्बरी तस्या अपत्यं साम्बरेयः श्रीअभिनन्दनः / सुखैः-सुखपूर्वकम् / ब्रह्मोपरि--ब्रह्मणि मुक्तौ / दादयीतु खलु-निश्चयेन दादयीतु / श्रीअभिनन्दन जिन पासका मुक्ति लभन्ते इत्यर्थः / अत्र अभिदादयीति यगुरूनित्यत्र "इवर्णादेरस्वे स्वरे यंवरलम्"१।३।२१।। इत्यत्रेवर्णादेरिति पञ्चम्यन्ततया व्याख्याय यागमा बोध्यः / रूपकोषमयोस्तिलतण्डुलवत् संसृष्टि: // 4 // सर्वे मोमुषतीश ! मेऽद्य रिपवो जात्याद्यलक्ष्मी प्रभौ, प्राग विज्ञापयितुं जगाम पदयोः क्रौञ्चोऽङ्कदम्भात् किल / यस्यापोपुषतीह मामतिशयाश्चित्प्राप्तिसम्पत्तिभिः, स श्रीमानभिदादयोतु सुमतिः शैवं पदं मेघभूः // 5 // अन्वयः - ईश ! सर्वे रिपवः, अद्य, मे, जात्याद्यलक्ष्मीम्, मोमुषति, प्राक्, प्रभौ, विज्ञापयितुम्, क्रौञ्चः, यस्य, पदयोः, अङ्कदम्भात्, जगाम, किल, इह, अतिशयाः, माम्, चित्प्राप्तिसम्पत्तिभिः, आपोपुषति, सः, मेघभूः, श्रीमान्, सुमतिः, शैवम्, पदम्, अभिदादयीतु // - वृत्तिः - ईश! स्वामिन् ! सव-निखिलाः। रिपवः--शत्रवः / अद्यसाम्प्रतम् / मे-मम / जात्याद्यलक्ष्मीम्-जात्या जन्मना स्वाभाविकी या आद्य प्राथमिकी लक्ष्मीः शोभा ताम्, अकृत्रिमोत्कृष्टशोभाम् / मोमुषति-पुनःपुनरति शयेन वा मुष्णन्तीति मुष्धातोर्यङि लुद्वित्वगुणेषु सत्सु मोमुष् इत्यवस्था P.P.AC. Gunratnasuri M.S. Jun Gun Aaradhak Trust
