________________
करुणरसकदंबकं
[४२] 'एसा मम भजा होहि' ति उल्लावं सुणिऊण
धारिणीए चिंताए मरणं । कह ससहरकरधवले कुलंमि नीसेसभुवणपयडंमि । जाया मह उप्पत्ती चेडयनरनाहगेहंमि ? ॥ १॥ कह वा नमंतसामंतमउलिलीढग्गपायवीढेण । दहिवाहणेण रन्ना ठवियाऽहं पणइणिपयंमि ? ॥ २ ॥ कह वा जिणिंदवयणारविंदसंभूयसमयसवणुत्था । मम सययं वसइ मणे अकजविवरमुहा बुद्धी ? ॥ ३ ॥ कह एस हीणसत्तोवि मुँक्कमेरं ममं समुद्दिस्स । वागरइ जहा महिलं अहमेयं किल करिस्सामि ? ॥ ४ ॥ ता पावजीव ! अजवि अस्सुयपुव्वं इमंपि सुणिऊण । किं निहरेसि न निल्लज्ज ! गंजणं सहसि सीलस्स ॥ ५॥ हरहासहंसधवलं सीलं मयलंति नो सुकुलजाया । करिकन्नतालचंचलजीवियकजेण कइयावि ॥६॥ कह वावि हु मम दुहिया एसा उच्छंगसंगसंभूया । परहत्थगया धरिही नियजीयं विरहसंतत्ता ? ॥ ७ ॥ इय एवं विहसंकप्पकप्पणुप्पन्नतिन्वदुक्खाए। निब्भच्छियं व 'जीयं नीहरियं से उरो भेत्तुं ॥ ८॥
-महावीरचरिए प० ७, पु० २४३ । ૧ શાસ્ત્ર. ૨ અકાથી વિમુખ. ૩ મર્યાદા છેડીને. ૪ મહિન रे छे. ५ पुत्री. १ पित.
Shree Sudharmaswami Gyanbhandar-Umara, Surat
www.umaragyanbhandar.com
