________________
करुणरसकदंबकं
[४३] अहमं संगमदेवं दट्टण सुराणं पुरओ
सकस्स पच्छायावो। भो भो सुरा ! निसामह मम वयणं एस संगमयदेवो । चंडालो इव तुम्हं दटुंपि न जुज्जई कयावि ॥ १ ॥ एएण पावमइणा चिरमवरद्धं निराणुकंपेण । जं अम्ह पूयणिज्जो केयस्थिओ तिहुयणेक्कपडू ॥ २ ॥ जइ ताव इमस्स नत्थि पडिब्भयं भीमगुरुभवाहितो। ता किं मम वि न भीओ ववसंतो दढमकन्जमिम ? ॥ ३ ॥ जह जयगुरुणा निच्चलसामाइयगुरुभरो समुक्खित्तो । तह किं मएवि जं एस मज्झ संकंपि नो कुणइ ? ॥ ४ ॥ एएण जिणिंदऽवमाणणेण जणिओ पयंडपावभरो। तुम्हे पुण इत्थ ठिया पाविहिह इमस्स संगेण ॥ ५ ॥ किमहमिमं निग्गहिडं सैक्को नेवोवसग्गकालंमि । किंतु मुणिस्सइ एसो हैरिस्स निस्साएँ तवइ जिणो ॥ ६ ॥ पज्जतं एत्तो जंपिएण 'निविसयमाणवेह इमं । वरि सुन्नच्चिय साला मा भरिया चोरवग्गेण ॥ ७ ॥ इय सुरनाहेण सरोसभासिणा चलणकोडिणा विवसो । 'निच्छूढो संगमओ एगागी सुरपुरीहिंतो ॥ ८ ॥
–महावीरचरिए प० ७, पु० २३१ । 41. २ सभ. ३ ४.नी. ४ भावान पर. Narena. दी यो.
Shree Sudharmaswami Gyanbhandar-Umara, Surat
www.umaragyanbhandar.com
