________________
+ D ડાહ્યો ડમરો
ઉંદરે તાણ્યો ઘોડો
1
બુદ્ધિશાળી ઘણા થયા. ચાલાક માણસો ઘણા મળ્યા.
પણ ડમરો એ ડમરો.
ડમરામાં જેટલી ચતુરાઈ, એટલી દયા. કોઈને દુ:ખી થતો જુએ
કે દોડી જાય. કોઈ ગરીબોને સતાવતો નજરે પડે તો એને સીધો કરે.
નોકરોનાં નાક કાપનાર કાના પટેલને સીધો કર્યો. એણે જિંદગીભર ફરી આવો જુલમ ન કરવાની પ્રતિજ્ઞા લીધી. થોડા સમય બાદ એક બીજ એવી જ બર આવી.
નિરૂણા નામે નાનકડું ગામ. આ ગામમાં નાથા શેઠ નામનો એક પૈસાદાર વસે. લાચાર-ગરીબને નોકરીએ રાખે, એને પળવાર આરામ લેવા દે નહિ.
નાર્થો શેઠ ને નાથી શેઠાણી કામ આપ્યા જ કરે ! પેલો ખુબ થાકી જાય. એનાં અંગેઅંગ તૂટે, પણ સહેજ બેસે કે તરત નાથા શેઠ ઊધડો લઈ લે. નોકરને ઢોરની જેમ રાખે.
ડમરાને આની ખબર મળી, એ તો ઊપડ્યો નિરૂણા ગામે. વેશ બદલીને શેઠના ઘેર આવ્યો.
નાથા શેઠ ખડકી બહાર બેસી દાતણ કરતા હતા. એમનો નોકર એક હાથે શેઠનો પગ દાબે. બીજા હાથમાં થૂંકદાની. શેઠ વારેવારે એમાં થૂંકે.
