________________
સોંપી છે. હું તમને બતાવું છું. બરાબર આબેહુબ તમારા જેવી–લગીરે ફેર નહીં. જોજો.’
રામાધીન શેઠ મનોમન હસતાં-હસતાં વિચારવા લાગ્યા. આ ડમરોય ઠીક તાલ કરે છે. એમણે કહ્યું, “ઠીક તો, બતાવો ત્યારે.'
ડમરાએ પેલી કપડામાં વીંટાળેલી વસ્તુ બહાર કાઢી. એ હતો અરીસો.'
અરીસો રામાધીન શેઠની સામે ધર્યો અને કહ્યું,
જુઓ, આમાં તમે છો તેવા જ દેખાવ છો ને? આ રહી તમારી છબી ! આમાં કશીય ખામી હોય તો કહો.”
રામાધીન શેઠ શું બોલે ? પૂરી એક હજાર સોનામહોરો ગણીને આપવી પડી. આખો દરબાર ડમરાની ચતુરાઈ જોઈ ખુશખુશ થઈ ગયો. કાન ચિતારો તો ડમરાને પગે પડ્યો.
ડમરાએ કહ્યું, ‘કાન ! પૈસો અને કળા અભિમાનની ચીજ નથી. પ્રભુની ભેટ છે. કલાકારનું મૃત્યુ અહંકારમાં છે. તેં અહંકાર કર્યો ને જીવતો મૂઓ. તેં અહંકાર છોડ્યો ને તું જીતી ગયો. બાકી અરીસો એ કંઈ છબી કહેવાય ? પણ આ તો આડે લાકડે આડો વેહ.
આડે લાકડે આડો વેહ 0 3
