________________
ધોળામાં ધૂળ
ઊંઝા ગામમાં અચરત ડોશી રહે. ભારે જાજરમાન. એમના પતિ ઓઘડભાઈ. પંચના આગેવાન, ધરમના થાંભલા. લોકો પોતાની થાપણ એમને ત્યાં મૂકી જાય. ઓઘડ શેઠને એમાંની એક પાઈ ગાયની માટી બરાબર.
ઓઘડ શેઠના નામ પર ફૂલ મુકાય. એકાએક એમનું અવસાન થયું. અચરતમાના હાથમાં વહીવટ આવ્યો.
સહુ કહે, “અચરત ડોશી એટલે ધરમનો અવતાર.’ ગામના લોકો અચરતમા પાસે પૈસા મૂકી જાય. જરૂર પડતાં આવીને પાછા લઈ જાય.
ડોશી લોકોની થાપણનું જીવની પેઠે જતન કરે. પારકી થાપણને સહેજે રેઢી ન મૂકે.
એક દિવસની વાત છે. અચરતમાને ત્યાં ચાર જણા આવ્યા. ચારે વેશથી વેપારી લાગતા હતા, પણ એમનાં મન હતાં ચોર જેવાં.
એમણે આવીને ડોશીમાને પાંચસો સોનામહોરો થાપણ તરીકે સાચવવા આપી. સાથે-સાથે એવું જણાવ્યું કે અમે ચારે જણા સાથે મળીને લેવા આવીએ ત્યારે જ તમારે પાછી આપવી. ચારમાં એકે ઓછો હોય તો આપવી નહીં.
થોડા મહિના વીતી ગયા. ફરી એક વાર પેલા ચાર જણા આવ્યા. 23
ધોળામાં ધૂળ 0 4
