________________
*_D ડાહ્યો ડમરો
એમણે ડોશીમાને બીજી પાંચસો સોનામહોરો આપી.
અંદરઅંદર એકબીજા પર વિશ્વાસ નહીં. કોઈ આ સોનામહોરો ચાઉં કરી જાય તો ? આથી ફરી વાર અચરતમાને ચેતવણી આપી કે ચારેની રૂબરૂ તમારે અમે માગીએ ત્યારે થાપણ પાછી આપવી. કોઈ એકને આપવી નહિ .
સોનામહોરો આપી ચારે જણા થોડી વાર અચરતમાના ઓટલે આરામ કરવા બેઠા. એવામાં એક મીઠાઈની લારી આવી. બરફી, પેંડા ને દૂધની રબડી જોઈ ચારે જણાનાં મોંમાં પાણી આવ્યું. વળી ભૂખ પણ કકડીને લાગી હતી.
આ રબડી લેવી કઈ રીતે ? એને માટે તો વાસણ જોઈએ. વાસણ લાવવું ક્યાંથી ? તરત જ ચારે જણાને અચરતમા યાદ આવ્યાં. એક જણને રબડી માટે ડોશીમા પાસેથી વાસણ લેવા ઘરમાં મોકલ્યો. એનું નામ પંચો.
પેમાને થયું કે ઠીક લાગ મળ્યો છે ! હવે મારે કોઈ યુક્તિ લડાવવી જોઈએ. એવો ઉપાય કરું કે બધી સોનામહોરો મને જ મળે ! બાકીના બધા હાથ ઘસતા રહે !
પેમાં પરસાળ વટાવી અંદર ગયો. ડોશીમા પાસે સોનામહોરોની થેલી માગી.
અચરતમાને અચરજ થયું કે હજી હમણાં જ સોનામહોર આપી ને વળી તરત પાછી લેવા આવ્યો ?
પેમાએ કહ્યું, ‘માજી, આ તમારે ઓટલે બેસીને જ અમે નવો વેપાર ખેડવાનો વિચાર કર્યો. ભૃગુકચ્છ (ભરૂચ) બંદરેથી દૂર દેશાવર વહાણો મોકલવાં. અહીંથી માલ મોકલવો, પરદેશથી માલ ભરી લાવવો. લે-વેંચ કરવી. આ માટે પુષ્કળ ધનની જરૂર પડવાની છે. માટે તમે અમારી યાપણ જાળવવાના પૈસા લઈ લો અને હાર સોનામહોરોની શૈલી પાછી આપો.
