________________
પકડાવવા. એને માથે કમબખ્તી બેસાડે તેવા નરબંકાની શોધ કરવી. ડમરાભાઈ ! ઘણા લોકોએ તમારું નામ આપ્યું છે. મારું કામ કરો. જિંદગીભર તમારો ગુલામ થઈને રહીશ. વગર પગારે તમારી નોકરી કરીશ, પણ એ દુષ્ટને...”
ડમરો કહે, “સોમભાઈ ! ભગવાને ગરીબ અને પૈસાદારના ભેદ કર્યા નથી. એ તો માણસે પાડેલા ભેદ છે. પૈસાદાર હોવાથી કાના પટેલે પોતાની તાકાતનો ખોટો ઉપયોગ કર્યો. બુદ્ધિ અને પૈસા બીજાનું બગાડવા માટે નહિ, કંઈક સુધારવા સારુ છે. કાના પટેલને હું સરખો કરીશ.'
ડમરો ઊભો થયો. સોમા પટેલને કહે, ‘તમે આ ઘરના મહેમાન. હું કાના પટેલની સાન ઠેકાણે આણવા જાઉ છું. આવું ત્યાં સુધી રોકાજો. આ કાળિયો તમારી ખાતર કરશે.'
ને ડમરાએ તો પટેલનો પોશાક સજ્યો. અગરખું, પાઘડી ને ચોયણો. ચાલ્યા. વહેલું આવે વડનગર ગામ.
વડનગરમાં મોવડી કાનો પટેલ ગણાય. આંગણે હાથી જેવી ભેંસો ઝૂલે. ખેતરમાં જાતવાન બળદ ઘૂમે. દહીં, માખણ ને દૂધનો તો પાર નહિ.
ડમરાને જોઈ ડેલીએ બેઠેલા કાના પટેલ બોલ્યા : “આવો પટેલ! કાં, વરસ નબળાં છે ને ? નોકરી જોઈએ છે ? તમારું નામ ?”
‘હાજી ! મારું નામ રામ સવાયો,” ડમરાએ નરમાશથી કહ્યું . મારી શરત જાણો છો ?”
‘હાજી.'
| ડાહ્યો ડમરો
‘નવ્વાણુ નાક ભેગાં થયાં છે. સોમું નાક મળે એટલે એક જંગન કરીને એમાં હોમવાં છે. નવ ખંડમાં સો નાકનો જગન કરનાર એક હું કાનો પટેલ. બોલો, મારી શરત કબૂલ છે ?' 1 ‘પેટને ખાતર બધું કબૂલ છે. આપ મને નોકરી આપો છો, એ જ 16 મોટો પાડ : નહીં તો નોકરી ક્યાં રેઢી પડી છે ? શોધતાં નાકે દમ આવી
