Page Text
________________
ಸಂಘರ್ಷಣೆಯನ್ನು ತಪ್ಪಿಸಿ
ಮತ್ತೆ ನಾನು ಅವನಿಗೆ ಹೇಳಿದೆ, 'ನಿನಗೆ ಹೇಳಿಕೊಟ್ಟು ಏನು ಮಾಡುವುದು, ನೀನಂತೂ ಎಲ್ಲರೊಂದಿಗೆ ಜಗಳವಾಡುತ್ತಲೇ ಇರುವುದಲ್ಲವೇ?' ಆಗ ನನಗೆ ಹೇಳುತ್ತಾನೆ, 'ದಾದಾಶ್ರೀ, ನೀವು ಯಾವ ಜ್ಞಾನವನ್ನು ಎಲ್ಲರಿಗೂ ಹೇಳುವಿರೋ, ಅದನ್ನು ನನಗೂ ಸ್ವಲ್ಪ ಕಲಿಸಿಕೊಡಿ' ಎಂದು. ನಾನು ಕೇಳಿದೆ, 'ನಿನಗೆ ಕಲಿಸಿಕೊಟ್ಟು ಮಾಡುವುದೇನು? ನೀನಂತೂ ದಿನಾ ಗಾಡಿಯಲ್ಲಿ ಮಾರಾಮಾರಿ, ಬಡಿದಾಟ ಮಾಡಿಕೊಂಡು ಬರುವವನು. ಸರಕಾರಕ್ಕೆ ಹತ್ತು ರೂಪಾಯಿ ಕಟ್ಟಿ ಯಾವ ಸಾಮಾನು ತರಬಹುದೋ ಅದನ್ನು ನೀನು ದುಡ್ಡು ಕೊಡದೆ ಪುಕ್ಕಟೆಯಾಗಿ ತರುವುದಲ್ಲದೆ, ಅಲ್ಲಿಯ ಜನರಿಗೆ ಇಪ್ಪತ್ತು ರೂಪಾಯಿಯ ಚಹಾ-ತಿಂಡಿ ಕೊಡಿಸುತ್ತಿಯ! ಇದರಿಂದ ಆ ಜನರು ಬಹಳ ಖುಷಿಯಾಗಿ ಬಿಡುತ್ತಾರೆ. ಅಂದರೆ, ಅಲ್ಲಿ ಹತ್ತು ರೂಪಾಯಿಯೂ ಉಳಿಸದೆ, ಅದರ ಮೇಲೆ ಇನ್ನೂ ಹತ್ತು ರೂಪಾಯಿ ಹೆಚ್ಚಿಗೆ ಸೇರಿಸಿ ಖರ್ಚು ಮಾಡುವಂತಹ ನೋಬಲ್ (!) ಮನುಷ್ಯ ನೀನು.'
4
ಇಷ್ಟೆಲ್ಲಾ ಹೇಳಿದರೂ, ಅವನು ಮತ್ತೂ ನನ್ನನ್ನು ಬಿಡದೆ ಕೇಳುತ್ತಾನೆ, “ಅದೇನೇ ಇರಲಿ, ಈ ಜ್ಞಾನವನ್ನು ನೀವು ನನಗೆ ಸ್ವಲ್ಪ ತಿಳಿಸಿಕೊಡಿ,' ಎಂದು. ಆಗ, ನಾನು ಹೇಳಿದೆ, 'ನೀನು ಹೀಗೆ ದಿನಾಲು ಗಲಾಟೆ ಮಾಡಿಕೊಂಡು ಬಂದರೆ, ಪ್ರತಿ ದಿನ ನನಗೆ ನಿನ್ನನ್ನು ಸಂಭಾಳಿಸುವುದೇ ಆಗುತ್ತದೆ. ಅದಕ್ಕೆ ಅವನು ಹೇಳಿದ, 'ಆದರೂ, ದಾದಾ ನನಗೆ ಏನೋ ಒಂದು ಸ್ವಲ್ಪ ಜ್ಞಾನವನ್ನು ತಿಳಿಸಿಕೊಡಿ,' ಎಂದು. ಆಗ ನಾನು, 'ಒಂದು ವಾಕ್ಯ ತಿಳಿಸಿ ಕೊಡುತ್ತೇನೆ. ಆದರೆ, ಅದನ್ನು ನೀನು ಪಾಲನೆ ಮಾಡುವದಾದರೆ ಮಾತ್ರ' ಎಂದು ಹೇಳಿದೆ. ಅವನು ಖಂಡಿತ ಪಾಲಿಸುತ್ತೇನೆಂದ ಮೇಲೆ, ನಾನು ಹೇಳಿದೆ, 'ಯಾರೊಂದಿಗೂ ಸಂಘರ್ಷಣೆಯಲ್ಲಿ ತೊಡಗಿಸಿಕೊಳ್ಳಬೇಡ.' ಆಗ ಅವನು ಹೇಳಿದ, 'ಸಂಘರ್ಷಣೆ ಅಂದರೆ ಏನು? ನನಗೆ ಅರ್ಥವಾಗುವಂತೆ ತಿಳಿಸಿಕೊಡಿ ದಾದಾಶ್ರೀ', ನಾನು ಹೀಗೆಂದು ಕೇಳಿದೆ, 'ನಾವು ರಸ್ತೆಯಲ್ಲಿ ಸೀದಾ ಹೋಗುವಾಗ ಎದುರಿಗೆ ಕಂಬ ಅಡ್ಡ ಬಂದರೆ, ಅದರ ಪಕ್ಕದಲ್ಲಿ ಜಾಗ ಮಾಡಿಕೊಂಡು ಹೋಗುತ್ತೇವೋ ಇಲ್ಲ ಅದಕ್ಕೆ ಹೊಡೆದುಕೊಂಡು ಹೋಗುತ್ತೇವೋ?' ಅದಕ್ಕೆ ಅವನು, 'ಇಲ್ಲ ಹೊಡೆಯಲು ಹೋದರೆ ನಮ್ಮ ತಲೆಗೆ ಪೆಟ್ಟು ಬೀಳುತ್ತದೆ.' ಎಂದ ಹಾಗೆಯೇ, ಎದುರಿನಿಂದ ಎಮ್ಮೆ ಬರುತ್ತಿದ್ದರೆ, ಅದರ ಪಕ್ಕದಲ್ಲಿ ದಾರಿ ಮಾಡಿಕೊಂಡು ಹೋಗುತ್ತೇವೋ ಇಲ್ಲ ಅದಕ್ಕೆ ಹೊಡೆದುಕೊಂಡು ಹೋಗುತ್ತೇವೋ?' ಅದಕ್ಕೆ ಅವನು ಉತ್ತರಿಸಿದ, ಹೊಡೆದುಕೊಂಡು ಹೋದರೆ, ಅದು ನಮಗೆ ಹಾಯಲು ಬಂದುಬಿಡುತ್ತದೆ. ಆದುದರಿಂದ, ಅದರ ಪಕ್ಕದಿಂದ ಹೋಗಬೇಕಾಗುತ್ತದೆ. ಹಾಗೆಯೇ, ದಾರಿಯಲ್ಲಿ ಹಾವು ಅಡ್ಡ ಬಂದುಬಿಟ್ಟರೆ ಅಥವಾ ಬಂಡೆ ಕಲ್ಲು ಅಡ್ಡ ಇದ್ದರೆ? ಆಗ, ಅದರ ಬದಿಯಿಂದ ಹೋಗಬೇಕಾಗುತ್ತದೆ, ಎಂದು ಹೇಳಿದ. ಆಗ, ನಾನು ಕೇಳಿದೆ, 'ಯಾರಿಗೆ ಬದಿಯಿಂದ ಹೋಗಬೇಕಾಗಿ ಬರುತ್ತದೆ?' 'ನಾವೇ ನೋಡಿಕೊಂಡು
| SR No. | 034308 |
| Book Title | Avoid Clashes Kannada |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 38 |
| Language | Kannada |
| Classification | Book_Other |
| File Size | 3 MB |