Page Text
________________
ಸಂಘರ್ಷಣೆಯನ್ನು ತಪ್ಪಿಸಿ ನಡೆಸಿದರೆ, ಮತ್ತೆಂದೂ ಅಡಚಣೆಗಳು ಬರುವುದಿಲ್ಲ. ಇದರ ತಾತ್ಪರ್ಯವೇನೆಂದರೆ, ನಿಯಮವನ್ನು ತಿಳಿದುಕೊಳ್ಳುವುದರಲ್ಲಿ ತಪ್ಪಾಗಿದೆ. ಆದುದರಿಂದ, ನಿಯಮವನ್ನು ಸರಿಯಾಗಿ ತಿಳಿಸಿಕೊಡುವಂತಹ ಅರಿತವರು ಬೇಕಾಗಿದೆ.
ಆ 'ಟ್ರಾಫಿಕ್'ನ ಕಾನೂನು ಪಾಲನೆ ಮಾಡಬೇಕೆಂದು ನೀವು ನಿಶ್ಚಯಿಸಿರುವುದರಿಂದ, ಎಷ್ಟು ಚೆನ್ನಾಗಿ ಪಾಲಿಸಲಾಗುತ್ತದೆ! ಅಲ್ಲಿ ಯಾಕೆ ಅಹಂಕಾರ ತೋರಿಸಲು ಹೋಗುವುದಿಲ್ಲ; ಅವರು ಏನು ಬೇಕಾದರೂ ಹೇಳಲಿ, ನನಗೆ ಹೇಗೆ ಬೇಕೋ ಹಾಗೆ ಮಾಡುತ್ತೇನೆ ಎಂದು ಯಾಕೆ ಹೇಳುವುದಿಲ್ಲ? ಕಾರಣವೇನೆಂದರೆ, ಟ್ರಾಫಿಕ್ ನ ನಿಯಮವನ್ನು ತನ್ನ ಸ್ವಂತ ಬುದ್ದಿಯಿಂದ ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳಲು ಆಗುತ್ತದೆ. ಏಕೆಂದರೆ, ಇದು ಸ್ಫೂಲ ಶರೀರದ ವಿಷಯವಾಗಿರುವುದರಿಂದ; ಕೈ ಮುರಿದು ಹೋಗಬಹುದು, ತಕ್ಷಣ ಮರಣವೂ ಸಂಭವಿಸಬಹುದು ಎನ್ನುವ ಅರಿವಿದೆ. ಹಾಗೆಯೇ ಇಲ್ಲಿ ಕೂಡ ಸಂಘರ್ಷಣೆಗೆ ಒಳಗಾದರೆ ಮರಣವು ಸಂಭವಿಸಬಹುದೆಂಬ ವಿಷಯವನ್ನು ತಿಳಿದಿಲ್ಲ. ಇದು ಬುದ್ದಿಗೆ ಎಟಕುವಂತದ್ದಲ್ಲ. ಇದು ಸೂಕ್ಷದ ವಿಚಾರವಾಗಿದೆ. ಹಾಗೂ ಇದರಿಂದಾಗುವ ನಷ್ಟಗಳೆಲ್ಲಾ ಸೂಕ್ಷ್ಮದಲ್ಲಿ ಉಂಟಾಗುವವು!
ಪ್ರಥಮವಾಗಿ ಪ್ರಕಾಶವಾಯಿತು ಈ ಸೂತ್ರ
ಒಬ್ಬ ವ್ಯಕ್ತಿಗೆ 1951ನೇ ಇಸವಿಯಲ್ಲಿ, ಈ ಒಂದು ಶಬ್ದವನ್ನು ನೀಡಲಾಗಿತ್ತು. ಅವನು ನನಗೆ ಈ ಸಂಸಾರದಿಂದ ಪಾರಾಗಲು ದಾರಿ ಕೇಳುತ್ತಿದ್ದ; ಆಗ, ನಾನು ಅವನಿಗೆ 'ಸಂಘರ್ಷಣೆಯನ್ನು ತಪ್ಪಿಸು' ಎಂದು ಹೇಳಿದ್ದೆ ಹಾಗೂ ಅದೇ ರೀತಿಯಾಗಿ ತಿಳುವಳಿಕೆಯನ್ನು
ನೀಡಿದ್ದೆ.
ಅದು ಹೇಗಾಯಿತೆಂದರೆ, ನಾನು ಶಾಸ್ತ್ರದ ಪುಸ್ತಕವನ್ನು ಓದುತ್ತಿರುವಾಗ, ಅವನು ನನಗೆ ಬಂದು ಕೇಳುತ್ತಾನೆ, ಏನೆಂದರೆ 'ದಾದಾಶ್ರೀ, ನನಗೆ ಏನಾದರೊಂದು ಜ್ಞಾನವನ್ನು ನೀಡಿ' ಎಂದು. ಅವನು ನನ್ನ ಬಳಿ ಕೆಲಸ ಮಾಡುತ್ತಿದ್ದವನು. ಆಗ ನಾನು ಅವನನ್ನು ಕೇಳಿದೆ. 'ನಿನಗೆ ಯಾವ ಜ್ಞಾನವನ್ನು ಕೊಡುವುದು? ನೀನು ಇಡೀ ಜಗತ್ತಿನೊಂದಿಗೆ ಜಗಳವಾಡಿಕೊಂಡು ಬರುವವನು, ಮಾರಾಮಾರಿ ಮಾಡಿಕೊಂಡು ಬರುವವನು. ರೈಲ್ ನಲ್ಲಿ ಹೊಡೆದಾಟ (ಮಾರಾಮಾರಿ) ಮಾಡುತ್ತೀಯಾ, ಹಣವನ್ನು ನೀರಿನ ಹಾಗೆ ಹರಿಸುತ್ತೀಯಾ, ಅಲ್ಲದೆ ರೈಲ್ವೆ ಕಾಯಿದೆ ಅನುಸಾರ ಹಣ ಕೊಡಬೇಕಾಗಿರುವುದನ್ನು ಕೊಡದೆ ಅದರ ಮೇಲೆ ಜಗಳವಾಡಿಕೊಂಡು ಬರುತ್ತಿಯ, ಇದೆಲ್ಲಾ ನನಗೆ ಗೊತ್ತಿದೆ.'
| SR No. | 034308 |
| Book Title | Avoid Clashes Kannada |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 38 |
| Language | Kannada |
| Classification | Book_Other |
| File Size | 3 MB |