Avoid Clashes Kannada

SR No.: 034308
Original Sutra Author: N/A
Author: Dada Bhagwan
Publisher: Dada Bhagwan Aradhana Trust
Total Pages: 38
Language: Kannada
Classification: Book_Other
File Size: 3 MB

Page 13

ಸಂಘರ್ಷಣೆಯನ್ನು ತಪ್ಪಿಸಿ ಹೋಗಬೇಕು', ಎಂದು ಉತ್ತರಿಸಿದ. ಅದಕ್ಕೆ ನಾನು, 'ಯಾಕೆ ನಾವೇ ಹೋಗಬೇಕು?' ಎಂದು ಕೇಳಿದೆ, 'ಅದು, ನಮ್ಮ ಒಳಿತಿಗಾಗಿ, ನಾವು ಹೊಡೆಯಲು ಹೋದರೆ, ನಮಗೆ ಪೆಟ್ಟು ಬೀಳುವುದು,' ಎಂದು. ಆಗ ಅವನಿಗೆ ಹೇಳಿದೆ, 'ಈ ಜಗತ್ತಿನಲ್ಲಿ ಎಷ್ಟೋ ಜನರು ಈ ಬಂಡೆಯ ಹಾಗೆ, ಗೂಳಿಯ ಹಾಗೆ, ಹಸುವಿನ ಹಾಗೆ, ಕೆಲವರು ಮನಷ್ಯರ ಹಾಗೆ, ಕೆಲವರು ಹಾವಿನ ಹಾಗೆ ಮತ್ತು ಎಷ್ಟೋ ಜನರು ಕಂಬದ ಹಾಗೆ, ಎಲ್ಲಾ ಬಗೆಯ ಜನರಿದ್ದಾರೆ. ಅವರೊಂದಿಗೆ ನೀನು ಸಂಘರ್ಷಣೆಗೆ ಒಳಗಾಗದ ಹಾಗೆ ದಾರಿಯನ್ನು ಮಾಡಿಕೊಳ್ಳಬೇಕು.
ಹೀಗೆ 1951ರಲ್ಲಿ ಅವನಿಗೆ ತಿಳುವಳಿಕೆ ಕೊಟ್ಟಿದ್ದೆ. ಅವನು ಅಂದಿನಿಂದಲೇ ನಾನು ಕೊಟ್ಟ ವಾಕ್ಯವನ್ನು ಬಿಡದೆ ಪಾಲಿಸುವ ಪಟ್ಟುಹಿಡಿದ; ಅದರ ನಂತರ ಅವನು ಯಾರೊಂದಿಗೂ ಸಂಘರ್ಷಣೆಗೆ ಒಳಪಡಲಿಲ್ಲ. ಅವನ ಚಿಕ್ಕಪ್ಪ ಬಹಳ ದೊಡ್ಡ ವ್ಯಾಪಾರಿಯಾಗಿದ್ದರು. ಅವರು ಇವನ ಪರಿವರ್ತನೆಯನ್ನು ಕಂಡು, ಬೇಕೆಂದೇ ಎಷ್ಟೋ ಸಲ ಅವನ್ನನ್ನು ಜಗಳವಾಡುವಂತೆ ಪ್ರಚೋದಿಸಿದರೂ ಅವನು ಮಾತ್ರ ವಿಚಲಿತನಾಗದೆ, ಆ ವಿಚಾರದಿಂದ ನುಸುಳಿಕೊಂಡು ಹೊರಬಂದು ಬಿಡುತ್ತಿದ್ದ. 1951ರ ನಂತರ ಅವನು ಯಾರೊಂದಿಗೂ ಸಂಘರ್ಷಣೆಗೆ ಸಿಲುಕಲಿಲ್ಲ.
ವ್ಯವಹಾರದಲ್ಲಿಯೂ ತಪ್ಪಿಸಿ ಸಂಘರ್ಷಣೆಯನ್ನು, ಹೀಗೆಯೇ
ನಾವು ರೈಲು ಗಾಡಿಯಿಂದ ಕೆಳಗೆ ಇಳಿದ ತಕ್ಷಣ ಕೂಲಿಯವರು ಬೊಬ್ಬೆ ಹಾಕಲು ಪ್ರಾರಂಭಿಸುತ್ತಾರೆ. ಒಬ್ಬರ ಮೇಲೆ ಒಬ್ಬರು ಬಂದು ಬಿಡುತ್ತಾರೆ. ನಮ್ಮ ಸಾಮಾನನ್ನು ಹೊತ್ತುಕೊಂಡು ಹೊರಗೆ ಬಂದ ಮೇಲೆ ಅವನು ಹೆಚ್ಚು ಕೇಳಿದರೆ, ಅವನೊಂದಿಗೆ ಗಲಾಟೆ ಮಾಡಿ, ಸ್ಟೇಷನ್ ಮಾಸ್ಟರ್ ನ ಕರೆಯುವೆ. 'ಅಷ್ಟೊಂದು ಹಣ ಯಾರಾದರೂ ಕೇಳುತ್ತಾರೆಯೇ? ನೀನು ಹಾಗೆ, ನೀನು ಹೀಗೆ...' ಎಂದು ರೇಗಾಡುತ್ತೇವೆ. ಅಯ್ಯೋ ಮೂಡ, ಅಲ್ಲಿ ಹಾಗೆಲ್ಲಾ ಜಗಳ ಮಾಡಲು ಹೋಗಬೇಡ. ಅವನು 50 ರೂಪಾಯಿ ಕೇಳಿದರೆ, ಅವನ್ನನ್ನು ಪುಸಲಾಯಿಸಿ ಹೇಳಬೇಕು, 'ನೋಡು, ನಿಜವಾಗಿ ಹತ್ತು ರೂಪಾಯಿ ಆಗುತ್ತದೆ. ಆದರೆ, ಈಗ ಇಪ್ಪತ್ತು ರೂಪಾಯಿ ಕೊಡುತ್ತೇನೆ ತೆಗೆದು ಕೊಂಡುಹೋಗು' ನಮಗೆ ಗೊತ್ತಾಗಿದೆ ನಾವು ಅವನ ಜೊತೆ ಸಿಕ್ಕಿಕೊಂಡಿದ್ದೇವೆ ಎಂದು. ಹಾಗಾಗಿ, ಹೆಚ್ಚು-ಕಡಿಮೆ ಮಾಡಿ ಅವನಿಂದ ಬಿಡಿಸಿಕೊಳ್ಳಬೇಕು. ಅಲ್ಲಿ ಸಂಘರ್ಷಣೆಗೆ ಮುಂದಾಗಬಾರದು. ಮತ್ತೆ ಅವನು ತುಂಬಾ ಗಲಾಟೆಗೆ ನಿಂತು ಬಿಡುತ್ತಾನೆ. ಮೊದಲೇ ಅವನು ಮನೆಯಲ್ಲಿ ಜಗಳವಾಡಿಕೊಂಡು ಬಂದಿರುತ್ತಾನೆ, ಅದರ ಜೊತೆಗೆ ಸ್ಟೇಷನ್ನಲ್ಲಿ ನಾವು ಕಿರಿ ಕಿರಿ ಮಾಡಿದರೆ, ಗೂಳಿಯ ಹಾಗೆ ಹಾಯಲು ಬಂದುಬಿಡುತ್ತಾನೆ. ಮೂವತ್ತೈದು ಅಂಕ ಪಡೆದು ಮನುಷ್ಯನಾಗಿದ್ದಾನೆ, ಇನ್ನೂ ಅವನಲ್ಲಿ ಅರವತೈದು ಅಂಕದಷ್ಟು ಗೂಳಿಯ ಗುಣವಿರುತ್ತದೆ!