Page Text
________________
શ્રીકાન્તનું કલ્યાણ કેમ?
શ્રીકાન્ત અને શ્રીપાલને વિચારતાં સ્પષ્ટ લાગે જ છે કે આપણે શ્રીપાલ બની શક્યા નથી, તો હવે શ્રીકાન્ત બનવું છે? શ્રીકાન્ત તરફ નજર જતાં એક પ્રશ્ન થાય કે શ્રીકાન્ત છેવટે તો શ્રીપાલ બનીને તર્યાને?
ઉત્તર ઃ ભાઇ! શ્રીકાન્ત તર્યા કેમ? શ્રીપાલ બની શક્યો કેમ? શ્રીકાન્ત પાપ ક્રિયામાં રત હતો છતાં તેનામાં એક ગુણ હતો. તમારામાં તે ગુણ ખરો? જો એ ગુણ હશે તો તમે પણ તરી જશો.
ભયંકર હિંસક અને પાપી શ્રીકાન્તમાં નિખાલસતાનો ગુણ હતો. પૂજ્યપાદ્ આગમોદ્ધારક સાગરજી મ.સા. કહે છે કે હજારો દોષો વચ્ચે પણ એક ગુણ પ્રધાનતાએ સર્વસ્વના ભોગે હોય તો તે અનેક ગુણોને ખેંચી લાવે છે. પાપ વ્યવહારમાં મસ્ત શ્રીકાન્તનો સહજ સ્વભાવ હતો કે ‘‘ગમે તેવી પાપ ક્રિયાઓ કરી હોય, પરંતુ રાત્રે પોતાની પત્ની-શ્રીમતીને બધું જ કહી દેવાનું.’’ શ્રીમતી પણ ક્યારેય તેના અશુભ કાર્યોની પ્રશંસા ન કરે, ક્યારેય સારું ન કહે, ઠપકો જ આપે. “જંગલમાં ફરતા જીવો તમારું શું બગાડે છે તો તમે તેને મારો છો?’' ‘“તમારું કાંઇ પણ ખાતા નથી, તમોને પરેશાન પણ કરતા નથી તેવા નિર્દોષ જીવોને મારી નાખીને તમને શું મળે છે? સાધુઓને પરેશાન કરીને, જીવોની હિંસા કરીને તમે કઇ ગતિમાં જશો? કેટલું પાપકર્મ બાંધશો? અત્યારે પુણ્યનો ઉદય છે તેથી તમોને સત્તા-સંપત્તિ આરોગ્ય બધું જ મળ્યું છે જ્યારે પુણ્ય પરવારશે અને પાપ કર્મનો ઉદય થશે ત્યારે થતા રોગ-વ્યાધિ-વેદના અંતરાય કર્મો કેવી રીતે સહન કરી શકશો.’’ એમ ઠપકો જ આપે, રોજ ઠપકો આપે. શ્રીમતીએ ક્યારેય તેમના કાર્યોને સારા કહ્યા નથી. રોજ રાત્રે આજ વાર્તાલાપ ચાલે.
તમે તમારી બધી વાત તમારી ધર્મપત્નીને કહી શકો કે નહીં? કદાચ તમારા કાળાધોળામાં અને પાપક્રિયામાં તમારી પત્ની સંમત હોય તો હજુ કહો પરંતુ તમારા આવા કાર્યોમાં હા ન હોય... ‘‘પુણ્યના ઉદયે જ મળશે તે ચલાવી લઇશું પણ આવી પ્રવૃત્તિ ન કરો’’ તેવું વારંવાર કહ્યા જ કરતી હોય તો પત્ની કેવી
40
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |