Page Text
________________
લાગે? પત્ની હિતચિંતક લાગે કે કટકટ કરનારી લાગે? તમારી જાતને પૂછી લેજો એકવાર... બેવાર પત્નીએ ના પાડી પછી કદાચ પત્નીને કહેવાનું બંધ થઇ જાય પણ તમારા કાળાધોળા કરવાના કાર્યો ન બદલાય.
શ્રીકાન્ત તમારા જેવા ન હતો માટે કલ્યાણ સાધી ગયા શ્રીમતીને રોજ રાત્રે કહીને હૈયું ખાલી કરી દે છે. પત્ની પણ તેમના આત્માની ચિંતા કરે છે. રોજ ના પાડે આવું ન કરાય; ત્યારે શ્રીકાન્ત પણ કબુલાત કરે, નિર્દોષ ભાવે કહે ‘“સારું, હવે આવા પાપ કર્મો નહીં કરું,’’ આમ કબૂલાત કરવા છતાં બીજા દિવસે સવારે એજ શિકારના પાપો કરવા તૈયાર. આ નિત્યક્રમ, પાપકર્મ કરવા પત્ની ના પાડે, રોજ ના પાડે, પ્રતિદિન સમજાવવા પ્રયત્ન કરે, પરંતુ શ્રીકાન્તને પત્ની પ્રત્યે નફરત નહીં... તિરસ્કાર ભાવ નહી કે “રોજ કટકટ કરે છે તેથી રહેવા દે નથી કહેવું, તેને શું ખબર પડે? શિકાર વિગેરેમાં કેવી મજા આવે તે સ્ત્રીઓને ક્યાંથી ખબર હોય’’ આવો વિચાર પણ શ્રીકાન્તને નથી આવતો. નિત્ય નિખાલસ ભાવે કહી દેવાનું, હૈયું ખાલી કરી દેવાનું, પાપ પેટમાં રાખવાનું નહી.
તમારા જીવનમાં જે કોઇ સારી ખોટી પ્રવૃત્તિ કરો તે માટે તમારે કોઇ અંગત વ્યક્તિ ખરી કે નહી? જેની સમક્ષ સામે ચઢીને નિખાલસ ભાવે હૈયું ખાલી કરી શકાય બધું જ કહી શકાય આપણી પ્રવૃત્તિ-ક્રિયા પણ કહેવી અને ભાવોની તીવ્રતા લઘુતા પણ કહેવી. ત્યાર પછી આવતો આનંદ પણ વ્યક્ત કરી દેવો. પાપ તો અશુભ છે, કચરો છે, મડદું છે, જેટલો સમય હૈયામાં વધુ પડ્યું રહે તેટલું વધુ ગંધાય, વધું જામ થતું જાય. શ્રીકાન્ત નિખાલસ ભાવે જેવી હકીકત બની હોય તેવી પત્ની સામે કહી દેતો. પત્નીનો ઠપકો પણ સાંભળી લેતો. છતાં પત્ની પ્રત્યે કોઇ અણગમો નહીં. પત્ની શ્રીમતી પણ ચિંતા કરતી કે મનુષ્ય ભવ પામી આટલી હિંસા-પાપ કરી કઇ ગતિમાં જશો? ધર્મપત્ની હોય તે આત્માની ચિંતા કરે. માત્ર ઇહલૌકિક શરીર સંપત્તિ વૈભવ કે વાસનાની ચિંતા કરનારને ધર્મપત્ની ન કહેવાય. શ્રીમતી સતત શ્રીકાન્તની દુર્ગતિ ન થાય તેની ચિંતા કરતી હતી. એકવાર નગરમાં જ્ઞાની ગુરુ ભગવંત પધાર્યા છે. ત્યારે ગુરુ ભગવંતને શ્રીકાન્ત રાજાના પાપ વ્યાપારની સંપૂર્ણ વાત કરીને કહે છે, આટલા બધા પાપો
41
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |