Page Text
________________
શ્રીપાલે....ક્યારેય કોઈને હેરાન-પરેશાન કર્યા નથી. અપકારીને પણ ઉપકારી માને છે. બીજાની સંપત્તિ સત્તા ક્યારેય સ્વીકારી નથી. પોતાનું બધું જ નજર સામે ચાલ્યું જતું દેખાય છે. છતાં કોઈ અફસોસ આર્તધ્યાન નથી... સદાય પોતાની મસ્તીમાં મસ્ત છે. આત્મભાવમાં લીન છે ધર્મ-સિદ્ધચક્રજી મળ્યા પહેલાં પણ ઉદાત્ત ગુણવૈભવ શ્રીપાલમાં છે.
જીવનમાં કોઈ પાપ નથી, હૃદય સાફ છે. દુશ્મન પ્રત્યે પણ દુશ્મનીનો ભાવ શ્રીપાલના ચિત્તને ખરડાવી શક્યો નથી. જે મળે તે ઘર ભેગું કરું તે ભાવના નથી, બીજાનું પડાવી લેવાની કે બીજાને નુકસાન થાય તેવી કોઈ ઈચ્છા નથી, પોતાનું કોઈ લઈ જાય તો એના પુણ્યનું એ લઈ ગયો હશે મારે શું? આવી ઉદાત્ત ભાવનાઓમાં શ્રીપાલ રમી રહ્યા છે.
શ્રીકાન્ત અને શ્રીપાલ બંન્નેના ભાવોની વિચારણા કરી હવે આપણા ભાવો કઈ દિશામાં રમી રહ્યા છે તે માટે સ્વયંને અંતનિરીક્ષણ કરવાનું છે જે સતત આરંભ સમારંભ પાપ વ્યાપારમાં મસ્ત છે. મળેલી સંપત્તિ વૈભવ પ્રત્યે મોહદશા મમત્વ ભાવ છે. હજુ વધુ ને વધુ મેળવવાની તમન્નાઓ છે. મારી મહેનત કે મારા પુણ્યથી મળ્યું છે... માટે બીજાનો કોઈ હક્ક નથી, બીજાને કષ્ટમાં નાખી જીવોને પરેશાન કરી આનંદ આવે છે તે ભાવો શ્રીકાન્ત જેવા છે, આવા કોઈપણ ભાવમાં આપણે રમતાં હોઈએ તો સમજવાનું કે શ્રીકાન્ત=માલિક બની બેઠા છીએ.
ગમે તેવી પરિસ્થિતિ આવે તો સમભાવમાં રહી તે પરિસ્થિતિ સ્વીકારી લેવી, બીજાનું હોય અને પોતાનું થાય તેવી ઈચ્છા માત્ર ન કરવી. મારા કારણે બીજા દુઃખી હેરાન ન થાય તે ધ્યાન રાખે, પુણ્યથી મળેલી સંપત્તિ, વૈભવ, સત્તામાં મમત્વ ભાવ ન હોય ઠીક છે, પુણ્યથી મળ્યું છે, પુણ્ય છે ત્યાં સુધી રહેશે. મારું કાંઈ નથી, મળ્યું છે તે રાખ્યું છે તેનો સદુપયોગ કરવાનો છે. દુશ્મન પ્રત્યે પણ સદ્ભાવ હોય, વિવેકબુદ્ધિનો પ્રકાશ જીવનમાં ઝળહળતો હોય તો સમજવું કે શ્રીપાલના ભાવોનો સ્રોત અંતરમાં ચાલી રહ્યો છે. આરાધના માટે આત્માની ભૂમિકા કાંઈક અંશે તૈયાર થઈ છે.
ఉడుము మడతడు పులుసు
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |