________________
कुल सूत - रत्न - भyषा - २
६
जे किर पएसिपमुहा, पाविट्ठा दुट्ठधिट्ठनिल्लज्जा । गुरुहत्थालंबेणं, संपत्ता ते वि य परमपयं ॥३०॥ उज्झियघरवासाण वि, जं किर कट्ठस्स णत्थि साफल्लं । तं गुरुभत्तीए च्चिय, कोडिन्नाइण वि हविज्ज ॥३१॥ दुहगब्भि मोहगब्भे, वेरग्गे संठिया जणा बहवे । गुरुपरतंताण हवे, हंदि तयं नाणगब्भं तु ॥३२॥
~ देवेन्द्रसूरिकृतं दानकुलकम् ~~ धणसत्थवाहजम्मे, जं घयदाणं कयं सुसाहूणं । तक्कारणमुसभजिणो, तेलुक्कपियामहो जाओ ॥३३॥ करुणाइ दिन्नदाणो, जम्मंतरगहिअपुण्णकिरिआणो। तित्थयरचक्करिद्धि, संपत्तो संतिनाहो वि ॥३४॥ पंचसयसाहुभोयण-दाणावज्जियसुपुण्णपब्भारो । अच्छरिअचरिअभरिओ, भरहो भरहाहिवो जाओ ॥३५॥ मूलं विणा वि दाउं, गिलाणपडिअरणजोगवत्थूणि । सिद्धो अ रयणकंबल-चंदणवणिओ वि तंमि भवे ॥३६॥ दाऊण खीरदाणं, तवेण सुसिअंगसाहुणो धणियं । जणजणिअचमक्कारो, संजाओ सालिभद्दो वि ॥३७॥ जम्मतरदाणाओ, उल्लसिआपुव्वकुसलझाणाओ । कयवन्नो कयपुन्नो, भोगाणं भायणं जाओ ॥३८॥
~ देवेन्द्रसूरिकृतं शीलकुलकम् - पज्जलिओ वि हु जलणो, सीलप्पभावेण पाणीअं होइ । सा जयउ जए सीआ, जीए पयडा जसपडाया ॥३९॥
