________________
नायकुलंसि साहरिए तं रयणि च णं नायकुलं हिरण्णेणं वद्भित्था सुवण्णेणं वड्डित्था धणेणं धन्नेणं रज्जेणं रटेणं बलेणं वाहणेणं कोसेणं कोट्ठागारेणं पुरेणं अंतेउरेणं जणवएणं जसवाएणंवड्डित्था, विपुलधणकणगरयणमणिमोत्तियसंखसिलप्पवालरत्तरयणमाइएणं संतसारसावएज्जेणं पीइसक्कारसमुदएणं अईव अईव अभिवद्भित्था॥८५॥ तए णं समणस्स भगवओ महावीरस्स अम्मापिऊणं अयमेयारूवे अज्झत्थिए चिंतिए पत्थिए मणोगए संकप्पे समुप्पज्जित्था-जप्पभिई च णं अम्हं एस दारए कुच्छिसि गब्भत्ताए वकंते तप्पभिई च णं अम्हे हिरण्णेणं वडामो सुवन्नेणं व० धणेणं धन्नेणं रज्जेणं रटेणं बलेणं वाहणेणं कोसेणं कोट्ठागारेणं पुरेणं अंतेउरेणे जणवएणं जसवाएणं वड्डामो, विपुलधणकणगरयणमणिमोत्तियसंखसिलप्पवालरत्तरयणमाइएणं संतसारसावएज्जेणं पिइसकारसमुदएणं अतीव २ अभिवड्डामो तं जया णं अम्हं एस दारए जाए भविस्सइ तया णं अम्हे एयस्स दारगस्स एयाणुरूवं गोनं गुणनिष्फन्नं नामपिज्ज करिस्सामो वद्धमाणो ति ॥८६॥
तए णं समणे भगवं महावीरे माउअणुकंपणट्ठाए निचले निफंदे निरयणे अल्लीणपल्लीणगुत्ते या वि होत्था ॥ ८७॥ तए णं तीसे तिसलाए खत्तियाणीए अयमेयारूवे जाव समुप्पज्जित्था-हडे मे से गम्भे मडे मे से गम्भे चुए मे से गन्भे गलिए मे से गन्भे एस मे गन्भे पुचि एयति इयाणि नो एयति ति कटु ओहतमणसंकप्पा चिंतासोगसायरं संपविट्ठा करयलपल्हत्यमुही अट्टल्झाणोवगया भूमिगयदिट्ठीया झियायइ। तं पि य सिद्धत्थरायभवणं उवरयमुइंगतंतीतलतालनाडइज्जजणमणुज्जं दीणविमणं विहरइ ॥८॥ तए णं समणे भगवं
१०रेणं जपणं जणवएणं
॥२०कारेणं अतीव क-ख-ग-घ ॥
