________________
५०
भिक्खु दृष्टांत
१२०. क्लामना बिना निर्जरा
पुर सू विहार कर भीलवाड़े आवतां मारग में हेमजी स्वामी खेद पाया | जद चन्द्रभांणजी चोधरी ने कह्यौ- -आज तौ खेद घणी पामी । जद चन्द्रभांणजी चोधरी को - भीखणजी स्वामी कहिता था प्रदेशां मैक्लामना थयां विनां निर्जरा हुवै नहीं ।
१२१. धान माटी सरीखौ लागे
रिणिहि गाम मै जीवो मुंहतो नगजी भलकट नें कहै
भाइजी ! भीखणजी स्वामी कहिता था-धांन माटी सरीखी लागे जद संथा करणों बाकी आउखो थोड़ी जांणीजै । जैसी आज आय बीती है पिण म्हांसूं संथारी हुवै नहीं । इम करतां तिण हिज रात्रि आउखी पूरी कीधी ।
१२२. साधां रे असाता क्यूं !
किहि पूछ्यौ - महाराज ! साधां रे असाता क्यूं हुवे ?
जद स्वामीजी बोल्या - किण हि भाठौ उछालने हेठे माथौ मांड्यो अन पर्छ भाठौ उछालण रा त्याग कीया तो आगे भाठौ उछाल्यौ ते तौ लागे पछे सूंस कीया तो पछै न लागे । ज्यूं आगे पाप कर्म बांध्या ते तौ भोगवै पछे पाप रा त्याग कीया तिण रौ दुःख न पड़े ।
१२३. चरचा कियां करणी ?
दामोजी सीहवा गाम रौ वासी पाली में भेषधारयां रै थानक जाय भेषधारयां सूं चरचा कीधी । तिण मै केयक जाब तौ दीया ने केयक जाब आया नहीं ।
पछे स्वामीजी ने कह्यो - चरचा कीधी पिण जाब पूरा आया नहीं । जद स्वामीजी बोल्या - दामां साह ! बोदी धूणी नै दोय तीर लेई संग्राम मांड्यां किम जीते । तीरां रो भाथड़ी पूठे बांध जुद्ध कीयां जीते । ज्यूं भेषधाऱ्यां सूं चरचा करणी तौ पक्का जाब सीखने करणी कच्चा जाब सूं न करणी ।
I
१२४. हाथ में कोई आयौ ?
for हि पूछ - भीखणजी कोई बालक भाठा सूं कीड्यां मारतो तिण रौ भाठी खोसनै उरहौ लीयौ तिण नै कांई थयो ?
जद स्वामीजी बोल्या - उणरा हाथ में कांइ आयौ ?
