Page Text
________________
दृष्टांत : ११८-११९
एक जण बोल्यौ हूं तौ रजपूत । दूजौ बोल्यो – हूं महाजन | तीजी बोल्यो - हूं ब्राह्मण । चौथौ बोल्यो – हूं जाट हूं । जद जाट बोल्यौ राजपूत नै - आप तो धणी हो सो लेखे रौ लेवी हो । महाजन बोहरी है सो ठीक | ब्रह्मण पुण्य रौ लेवै सो ही ठीक | पिण औ जाट किण लेखै लेवे ? इणनै म्हारी मा कन ओलूंभो दिवावसूं । इम कहि गांठ पटक, जवार मै ले जाय बांवळिया रै उणरी पाग सूं बांध दीयौ । फेर पाछौ आय नै बोल्यो - म्हारी मा कह्यौ है रजपूत तो लेख लेवे, धणी है । बाण्यो ते पिण ठीक बोहरो है । पिण ब्राह्मण किसै लेखे लेवे ? ब्राह्मण तौ दयौ । बिना दीयौ किम ? चाल म्हारी मा कनै । इम कही इणनै पण पकड़ ले जाय नै बांवळिया रे बांध दीधौ । फेर आयनै बोल्यौ - रजपूत तौ लेखै लेवै पिण बांण्यां किण लेखे ले ? तूं किस दिन मौनें धान दीयौ हो ? अनै कद म्हारौ बौहरी थयौ । इम कहि ले जायने तीजै बांवळिया रे इण नें बांध दीयौ । फेर पाछौ आयनै बोल्यो — ठाकरां ! धणी हुवै सो जाबता करें कै चोरघां करें ? इम कही इणनें ई पकड़ ले जायने बांध दीयौ । रावळे जाने पकड़ाय दीयौ ।
बुद्धि सूं च्यारां ने पकड़या माल राख्यौ । अने एक साथै च्यारां सूं झगड़तौ तौ कद पूगतौ ।
ज्यू मिश्रवाळां माहि सूं तो केइ समझाया अबे पुनवाळां री बारी । पछै पुन री श्रद्धा वाळा नै निषेधवा लागा । इसा भीखणजी स्वामी कळावांन ।
४९
११८. त्याग क्यूं करौ हो ?
किहि कौ - मोनें असंजती नै दान देवा रा त्याग करावी । जद स्वामीजी बोल्या - थे म्हारा वचन सरधीया प्रतीतीया रुचीया जिण सूं त्याग करो हो के म्हांने भांडवा नै त्याग करो हो । इम कहि नै कष्ट
कीधौ ।
११९. लागा डाम पाछा लेणी आवे ?
पर मैं एक जण गुरु कीधा । तिणरा घरकां डरायौ । कहे-पाछो जायनै समकत दे आव ।
जद ते पाछौ आयनै बोल्यो - थांरी समगत पाछी उरही ल्यौ । संस कराया ते पाछा उरहा ल्यौ ।
जद स्वामीजी बोल्या - ड्राम लागा पिण पाछा लेणी आवे है कै ?
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |