________________
भिक्खु दृष्ट
जद स्वामीजी मुनी रौ दृष्टंत दीयो- ज्यूं एक मुनी गांम मै आयो । साथै मौका चेला । आटो घी गुळ मूंहढा सूं बोल नै तौ मांगे नहीं, पिण सानी करने मांगे | आंगुळीया ऊंची करै - इतरा सेर आटो इतरा सेर घी इतरी दाल इतरौ गुळ ।
जद गांम रा चौधरी पटवारी ओछौ धामै जद चेला नै हुंकारौ करने घर हाटांरा कैलू फोड़ावै ।
जद लोक बौल्या :
"मुनि मून पारसी भणे, हंकारे घट काया हणे ।
अबोल्यांई ऊदम करें, तौ बोल्या कहौ काह गति करै ।। " स्वामीजी बोल्या - जिसी उण मुनी री मूंन जिसी सावद्य दान मै यांरै मूंन है। मूंहढा सूं तौ मून कहिता जाओ पिण श्रावक-श्राविका ने जीमायां पुन मिश्र री आमना करै । लाडूआं री दया पळावा री आमना करै ।
२३२. खोल नै दै तौ लै नहीं
भेषधारी पोते हाथ तो कमाड़ जड़ें उघाड़े अनै गृहस्थ खोल नै देवै तौ वे नहीं तिण ऊपर स्वामीजी दृष्टंत दीयौ - जिम कोई मानवी पर गाम जातां भंगी भींट लीयौ ।
उनै पूछ्यौ तूं कुण?
जद तिण कह्यौ हूं भंगी छू ।
जद तिण कह्यौ - म्हारौ भातो भींट लियो ।
इकहितां माहो माहि गालि रालि बोलतां बथोबथ आय गया । भंगी ऊपर आय बैठौ ।
भंगी कहै - मौन छोड़ ।
जद उ कहै - छोड़ नहीं ।
जद भंगी कहै - तूं कहै ज्यूं करू मोने छोड़ौ ।
जद ऊ बौल्यौ -- थारी स्त्री कनै चौकौ दराय कोरा घड़ा मै पांणी मंगाय महाजन रा हाट सूं आटो लेई इसी री इसी रोटी कराय देवै तौ छोडूं । जद भंगी कबूल करी । उण कह्यौ - जिण रीते स्त्री कनै रोटी कराय दोधी ।
जे समजणी हुवै ते उणनें मूरख जांणे । जे भंगी री भींटी तौ न खाधी भंगी री कधी खाधी तिण सूं उणनै विवेक रौ विकळ जांण ।
ज्यू गृहस्थ कमाड़ खोल नै देवै ते तौ लेवै नहीं अने अंधारी रात्रि मै हाथ सूं कमाड़ जड़े उघाड़े तिण री संक आने नहीं ।
