________________
दृष्टांत : २३३-२३६
२३३. इहलोक - परलोक में मूंडा दीसे
I
केई कहै— कारण पड़ीयां साधू नै असूझती लेणी । अनै श्रावक नै पिण अल्प पाप बहुत निरजरा है ।
जद स्वामीजी बोल्या - रजपूत रौ बेटी संग्राम करतां न्हांस जावै ते सूर किम कही । तिण नै राजा पटौ किम खावा दे । लोकिक मैं आबरू
किम है ।
ज्यू भगवंत रा साधु बाजे नें कारण पड़ीयां असूतौ दीयां, अल्प पाप बहुत निरजरा कहै, असूझता री थाप करें, ते इहलोक परलोक में भूंडा दी
२३४. मारग कांइ ओळख्यौ ?
हकर्मी जीव खोटा गुरु छोड़ने साचा गुरु करै । जद भेषधारी तथा त्यांरा श्रावक कहै— पाली में विजैचंद पटवौ रूपीया देई नै श्रावक करें है । जद स्वामीजी बोल्या - थांरा श्रावक रूपीया साटै परहा जावै जद उणां थांरौ मारग कांइ ओलख्यौ ? अनै रुपिया साटै अं समज्या कहौ छौ तौ बाकी पण परहा जाता दीस है । इण लेख थांरौ मारग उणां ओळख्यौ नहीं ।
२३५. वर्तमान काल मै मून
सावद्य दांन दैवै लेवै साधु नै पूछे तो वर्तमान काल मै मून राखणी । तिण ऊपर स्वामीजी दृष्टंत दीयौ -हलवाणी रा छेहड़ा दोनूं कानीं बळं अनै वीचै ठंडी। उठी सूं पकड्या हाथ बळै नै दूजा छेहड़ा सूं पकड़े तौही हाथ बळ | विचासं पकयां हाथ न बळ ।
ज्यू वर्तमान काळे सावद्य दान मै पुण्य कह्यां छ काय री हिंस्या लागे । पाप कह्यां अन्तराय पड़े । तिण सूं ते काळ मै मून राखणी ।
२३६. नीलोती खावा नें
केई कहै - भगवान नीलोती खावा नै बणाई है । जद स्वामीजी बोल्या - थारै लेख नाहर आयां तूं क्यूं न्हासे । तोनै ई भगवान नाहरा रौ भक्ष बणायो है । सो थारै लेख नाहर रै खावा नै तोनें ई बणायौ ।
जद ऊ बोल्यौ - म्हारौ जीव दोहरौ हुवै, दुख पावै ।
तौ सर्व जीव पण इम हीज जांण । माऱ्यां दुख पावै है ।
