________________
૭૬
શ્રી દેવચંદ્રજી કૃત ચોવીશી ભાગ : ૨
અનંત ગુણ સમૃદ્ધિના સ્વામી છીએ. જે ગુણસમૃદ્ધિ પ્રગટ થયા પછી ક્યારેય ચાલી જતી નથી. વળી આ આત્મામાં જ સત્તાગત છે. બહારથી ક્યાંયથી લાવવાની નથી.
તે માટે મારા તે અસ્તિ ધર્મની જ રૂચિવાળો થઈને તે અનંત ગુણોના અસ્તિ ધર્મ નું જ ધ્યાન કરતાં કરતાં સર્વ દેવોમાં ચંદ્રમા સમાન જે અત્યન્ત શુદ્ધ-બુદ્ધ સર્વકર્મ રહિત એવું આ આત્માનું જ જે સિદ્ધ પદ છે. તે પદને આ જીવ પ્રાપ્ત કરે છે.
તે સિદ્ધપદ એટલે અશરીરતા (શરીરનું બંધન નહીં) નિર્મળાનંદતા. (પરિપૂર્ણ ક્ષાયિક ભાવના અનંતગુણોનો આનંદ). નિઃસંગતા. (કોઈપણ જાતના પરદ્રવ્યનો સંબંધ જ નહીં.). આવા સ્વરૂપવાળો જે સ્વાધીન પરમાનંદ છે. આત્યન્તિક અવ્યાબાધ સુખ છે તે સુખની જ જેમાં જમાવટ છે તે સુખની જ જ્યાં સઘનતા છે આવું સિદ્ધપદ, હે પરમાત્મા ! તમારી સેવાથી પમાય છે તે માટે તત્ત્વસ્વરૂપી અરૂપી અનંતજ્ઞાનસ્વરૂપી અનંતગુણમય એવા શ્રી કુંથુનાથ પરમાત્માના ચરણકમલનું સેવન કરો.
હે ભવ્યજીવો ! પરમસુખનું આ જ શ્રેષ્ઠ કારણ છે. તેને ભજો. તેને સેવો તો તમે પણ અનંત અનંત ગુણોના ભોક્તા બનશો. ।।૧૦।
// સત્તરમા શ્રી કુંથુનાથ પરમાત્માના સ્તવનના અર્થો સમાપ્ત થયા ॥
