________________
અઢારમા શ્રી અરનાથ પરમાત્માનું સ્તવન
પ્રણમો શ્રી અરનાથ, શિવપુર સાથ ખરોરી | ત્રિભુવન જન આધાર, ભવ વિસ્તાર કરોરી. || ૧ ||
ગાથાર્થ :- મુક્તિનગરીના સાથી, ત્રણે ભુવનના જીવોને આધારભૂત અને ભવનો નિસ્તાર કરાવનારા એવા શ્રી અઢારમાં અરનાથ પરમાત્માને તમે પ્રણામ કરો. તે ૧ /
વિવેચન :- અઢારમા શ્રી અરનાથ પરમાત્માને ઘણા જ ભાવથી વંદના કરો. વારંવાર નમસ્કાર કરો. કારણ કે આ જ પરમાત્મા નિર્મોહી છે. વંદન કરવા યોગ્ય છે. જે મુક્તિનગર નામનું સ્થાન છે કે જે નિરૂપદ્રવવાળું છે. જન્મ જરા મરણ આધિ અને વ્યાધિઓથી રહિત છે. તેવા મુક્તિનગરમાં પહોંચાડવાના જે સાથી છે. જો આ પરમાત્માનો સાથ મળી જાય તો મુક્તિનગરની મંજિલ કાપવી દુષ્કર નથી. તેવા પ્રભાવશાળી સાથીદાર આ પરમાત્મા છે.
કોઈપણ જાતના સ્વાર્થ વિના ભવ અટવીમાંથી પાર ઉતારીને ભક્તવર્ગને મુક્તિનગરમાં પહોંચાડીને પરમાનંદના ભોક્તા બનાવનારા આ પરમાત્મા છે. ત્રણે ભુવનના જીવોને પોતાના આત્માના ગુણોનું સુખ પ્રાપ્ત કરાવવામાં પરમ આધારભૂત છે. અનાદિ કાળથી ઘર કરીને બેઠેલા મિથ્યાત્વ અવિરતિભાવ કષાય આદિ શત્રુગણનો નાશ કરવામાં પરમ આધારરૂપ આ પરમાત્મા છે.
તથા ચારગતિ રૂપ જે આ સંસાર છે તેમાંથી વિસ્તાર કરીને પેલે પાર લઈ જવામાં ઉત્તમ ઉપાય સમાન આ વીતરાગ પરમાત્મા છે. આવા પ્રકારના અનેકગુણોવાળા. ચેતન એવા જીવમાં વિવિધ ઉપકાર કરનારા આ પરમાત્મા ને ભાવથી વંદના કરો. પ્રણામ કરો. ભક્તિનમસ્કાર કરો.
