________________
શ્રી કુંથુનાથ પરમાત્માનું સ્તવન
૭૫ | મારો પોતાના ગુણો સંબંધી અનંતો સ્વાધીન જે આનંદ છે. તે મેં ગુમાવ્યો છે. અને પરાધીન આનંદમાં હું ડુબ્યો છું. તેના જ કારણે હું પુદ્ગલાનંદી થયો છું. આ કારણે હવે તત્ત્વ સમજાવાથી પુદ્ગલાનંદીપણું દૂર કરીને તત્ત્વભોગી થયો છું. પરંતુ ક્ષાયિકભાવ ન હોવાથી તત્ત્વને યથાર્થપણે જાણી શકતો નથી. ઔદયિકભાવની અશુદ્ધ પર્યાયોની શ્રેણીમાં હું મોહબ્ધ બન્યો છું. માટે હે પરમાત્મા! તમે મને મારા પોતાના આત્માના સ્વરૂપનો ગતિ સ્વભાવ પ્રગટ કરવામાં પુરેપુરો સાથ આપો. નિમિત્તકારણ બનો.
આવો ગુણ પ્રગટ કરવામાં એટલેકે સમ્યક્દર્શન યુક્ત ચારિત્ર ગુણ પ્રગટ કરવામાં નિમિત્તકારણતા આપવાની કૃપા કરો. આ જ તમારી પાસે માગું છું. પૌદ્ગલિક કોઈ પણ સુખ મારે જોઈતું નથી. કારણ કે તે મારું સ્વરૂપ નથી. કાયમ રહેવાવાળું નથી. પરોપાધિક છે. માટે આપશ્રી જ કૃપા કરો કૃપા કરો. મારૂ પોતાનું ગુણમય જીવન પ્રગટ કરવામાં પરમ નિમિત્ત કારણ બનો. એ જ તમારી પાસે મારી આશા છે અને પ્રાર્થના છે. | ૯ ||
અતિ સ્વભાવ રૂચિ થઈ રે, ધ્યાતો અતિરવભાવ ! દેવચંદ્ર પદ તે લહે રે, પરમાનંદ જમાવો રે || કુંથ જિનેસ૩, નિર્મળતુજ મુખ વાણી. || ૧૦ ||
ગાથાર્થ - મારા આત્મામાં મારા ગુણોનો જે તિ સ્વભાવ છે તેને જ પ્રગટ કરવાની મારી રૂચિ પ્રબળ બની છે તેનું જ ધ્યાન કરતો કરતો આ આત્મા દેવોમાં ચંદ્રમા સમાન ઉત્તમ પદને પ્રાપ્ત કરે છે કે જ્યાં પરમ આનંદની જમાવટ છે. || ૧૦ |
વિશેષાર્થ:- ગ્રંથકારશ્રી ભવ્ય જીવો ઉપર લાગણીવશ થઈને કહે છે કે હે ભવ્ય જીવો ! તમે સર્વે તથા હું પણ એમ આપણે બધા અનંત
