________________
૫૮
શ્રી દેવચંદ્રજી કૃત ચોવીશી ભાગ ૨ બીજા ગઢમાં તિર્યંચો (પશુ, પક્ષીઓ) બેસે છે અને ત્રીજા ગઢમાં દેવ-દેવી આદિનાં વાહનોનું પાર્કીંગ હોય છે.
આ પ્રમાણે પ્રથમ ગઢમાં બેઠેલી બારે પ્રકારની પર્ષદાની મધ્યે ધર્માસ્તિકાયાદિ છ દ્રવ્યો અને તેના ગુણો તથા તેના પર્યાયોનું વર્ણન કરતી ધમદિશના ભગવાન આપે છે. જે દેશનામાં જીવનું સ્વરૂપ, અજીવનું સ્વરૂપ, નિમિત્ત કારણ અને ઉપાદાન કારણનું સ્વરૂપ, શુદ્ધ કાર્ય અને શુદ્ધ કારણનું સ્વરૂપ ભાવસાધન પરિણતિ કારણરૂપ, અને ભાવ સિદ્ધ પરિણતિ કાર્યરૂપ, તથા હેયભાવોને હેયરૂપે, અને ઉપાદેયભાવોને ઉપાદેય રૂપે પરમાત્મા પ્રકાશિત કરે છે.
જે સાંભળીને શ્રોતાગણ અદ્દભૂત આનંદ પામે છે. વસ્તુનું યથાર્થ સ્વરૂપ સમજાવવા રૂપ અસીમ ઉપકાર પરમાત્માએ કર્યો છે. આપણા જેવા સંસારી જીવો ઉપર સાચો માર્ગ બતાવવા દ્વારા પરમ ઉપકાર અને પરમ કરૂણા કરનારા જો કોઈ હોય તો આ જ પરમાત્મા છે આ જ જગન્નાથ છે. આ જ વીતરાગ પરમાત્મા પોતે તરનારા છે અને અનેક જીવોને તારનારા છે આ રીતે તરણ - તારણ છે. તેમના મુખથી નીકળતી ૩૫ ગુણોથી ભરપૂર ભરેલી ભવ્ય અને નિર્મળ વાણીનો ઉપદેશ જે આત્મા પોતાના શ્રવણે સાંભળે છે તે જ પ્રાણી ખરેખર ધન્ય છે. સાંભળનારા તે જીવોમાં ગુણો પ્રગટ થાય છે, તેથી તે જીવો ગુણોરૂપી મણિઓની ખાણ છે આવા પ્રભાવશાળી શ્રી કુંથુનાથ પરમાત્માને તમે ભાવથી પ્રણામ કરો. વંદના કરો. || ૧-૨ છે.
ગુણ-પર્યાય અનંતતા રે, વલી રવભાવ અગાહ ! નય ગમ ભંગ નિક્ષેપના રે, હેચાયેય પ્રવાહો રે કુંથુજિનેસરૂનિર્મળ તુજ મુખ વાણી રે II || ૩ ||
ગાથાર્થ :- આપશ્રીમાં ગુણોની અનંતતા છે. પર્યાયોની પણ અનંતતા છે. તથા સ્વભાવોની પણ અનંતતા છે. આ રીતે અગાધ
