________________
સત્તરમા શ્રી કુંથુનાથ પરમાત્માનું સ્તવન )
સમવસરણ બેસી કરી રે, બારહ પર્ષદા માંહિ ! વસ્તુરવરૂપ પ્રકાશતાં રે, કરૂણાકર જગનાહો રે II II કુંથું જિનેશરૂ, નિર્મળ તુજ મુખ વાણી રે, જે શ્રવણે સુણે તેહિ જ ગુણમણિ ખાણી રે II ૨ ll
ગાથાર્થ :- શ્રી કુંથુનાથ ભગવાને સમવસરણમાં બેસીને બાર પ્રકારની પર્ષદાની મધ્યે વસ્તુનું સ્વરૂપ (છ દ્રવ્યો અને નવતત્ત્વોનું યથાર્થ પૂર્વાપર અવિરૂદ્ધભાવવાળું સ્વરૂપ) પ્રકાશિત કરીને પામર અને અનાથ એવા અમારા આત્મા ઉપર આ જગતના નાથે નિર્મળ વાણી પ્રકાશવા દ્વારા પરમ કરૂણા કરી છે || 1
હે કુંથુનાથ ભગવાન ! તમારા મુખથી નીકળતી આ વાણી અતિશય નિર્મળ છે. જે શ્રોતાગણ પોતાના કાને આપની વાણી સાંભળે છે તે જીવો પણ ગુણોરૂપી મણિઓની ખાણ બને છે. આમ જાણવું. || ૨ ||
વિવેચન :- હવે સત્તરમા શ્રી કુંથુનાથ પરમાત્માની સ્તવના કરતાં કવિરાજ શ્રી દેવચંદ્રજી મહારાજશ્રી જણાવે છે કે :- ત્રણ ગઢના બનેલા ત્રિગડાની ઉપરના સિંહાસનમાં બેસી કરીને શ્રી વીતરાગ પરમાત્મા બાર પ્રકારની પર્ષદા મધ્યે ભવ્ય દેશના આપે છે.
સાધુ, સાધ્વી, શ્રાવક, શ્રાવિકા એમ ચાર, તથા ભવનપતિ, વ્યંતર જ્યોતિષ્ક અને વૈમાનિક એમ ચાર નિકાયના દેવો તથા આ જ ચારે નિકાય ની દેવીઓ ૪ - ૪ - એમ આઠ પ્રકારના દેવ-દેવીઓ આ પ્રમાણે માનવ અને દેવોની બાર પ્રકારની પર્ષદા ભરાય છે. જે ઉપરના પ્રથમગઢમાં બેસે છે.
