________________
શ્રી દેવચંદ્રજી કૃત ચોવીશી ભાગ : ૨
વિવેચન :- હે પરમાત્મા ! ઘણું જ સારૂં થયું છે કે આજે વીતરાગ અનંતગુણી એવા આપશ્રીના મેં મારી જીભે ગુણો ગાયા. ઘણા ભવોથી આ સંસારમાં હું રખડ્યો છું અને રખડું છું. એકેન્દ્રિયવિકલેન્દ્રિય પંચેન્દ્રિય તિર્યંચ અને નારકી આદિના ભવોમાં અનેકભવો વીતાવ્યા છે. હે પ્રભુ ! તમે ક્યાંય મળ્યા નથી.
૫૬
આ પ્રમાણે કેટલાય ભવોથી રખડતાં રખડતાં મારી કોઈ ભવિતવ્યતા પાકવાથી સંજ્ઞી પંચેન્દ્રિયનો ભવ મળ્યો. અને તેમાં પણ આપશ્રીનું શાસન મને મળ્યું. માનવનો દેહ, નિરોગી શરીર, પરમાત્માનું શાસન, ચતુર્વિધ સંઘનો સંપર્ક આવી આવી ઘણી ઉત્તમ સામગ્રી મને મળી છે.
સંસાર તરવાનાં કહેવાતાં પ્રબળ સાધનો મને પ્રાપ્ત થયાં છે હવે હું પોતે થોડોક વધારે પ્રયત્ન કરૂં તો મારી નાવ તરી જાય તેમ છે મેં આપશ્રીના એટલે ઉપકારી એવા પરમાત્માના ગુણો ગાઈને મારી જીભને સફળ કરી છે. રસનાનું જે ફળ છે તે મેં પ્રાપ્ત કર્યું છે.
ઉપાધ્યાયશ્રી દેવચંદ્રજી મહારાજશ્રી કહે છે કે શ્રી વીતરાગ પરમાત્માના શાન્ત રસમય ગુણોની સ્તવના કરીને મેં મારી રસનાને (જીભને) પાવન કરી, તેથી મારા મનના સર્વ મનોરથો સિદ્ધ થયા છે.
શ્રી વીતરાગ પરમાત્માના ગુણો ગાવા એ જ આત્મકલ્યાણનું પરમસાધન છે મેં મારા જીવનને પરમાત્માના ગુણો ગાવા તરફ વાળ્યું છે રસનાનો (જીભનો) તે જ સાચો લ્હાવો છે. જે મેં પ્રાપ્ત કર્યો છે. ષડ્સનું ભોજન કરવું તે જિલ્લાનો લાભ નથી. પરંતુ ગુણીપુરુષોના ગુણ ગાવા તે જ જિલ્લાનો લાભ છે. ॥ ૮ ॥
॥ સોળમા શ્રી શાન્તિનાથ પરમાત્માના સ્તવનના અર્થો સમાપ્ત થયા ॥
