________________
શ્રી શાન્તિનાથ પરમાત્માનું સ્તવન
પપ પરમાત્માનું સતત સ્મરણ ચિંતન મનન ધ્યાન અને ભક્તિસ્વરૂપ શ્રેષ્ઠ કાર્યો આ આત્મામાં સ્વગુણોની પ્રગટતા તરફ પ્રેરણા કરે છે આત્માને વિકારોથી વિરક્ત કરે છે આત્મશાન્તિ અને કર્મનિર્જરા આપે છે.
આવા પ્રકારની ચિંતવણા કરતાં કરતાં મારા આત્મામાં પણ આવા ગુણો ભરેલા છે અનાદિ કાળથી મારો આત્મા વિષયોનો અનુરાગી થયો છે. તેના કારણે મોહાધીન થયેલો સંસારમાં રખડે છે. પરંતુ હવે આ પરમાત્મા પ્રાપ્ત થયા છે તેવા વીતરાગ પ્રભુના નિમિત્તકારણથી મારો આત્મા વિષયાસક્તિને બદલે તત્ત્વનો રંગી થયો છે આત્મતત્વને તથા તેના શુદ્ધ સ્વરૂપને જાણનાર બન્યો છે. - તથા તે તરફ વળાંકવાળી ગતિ સુધરી છે તેથી થોડા જ સમયમાં જરૂર સ્વસ્વરૂપરમણી થઈ જશે. તેનાથી મારો આત્મા પણ ભવ્ય છે. મોક્ષ તરફની પ્રવૃત્તિ કરનારો અને તે તરફની પ્રતિ-ભક્તિવાળો છે. તેના કારણે પ્રભુભક્તિ કરતાં કરતાં આ વિષયનો મને સાક્ષાત અનુભવ થયો છે. થોડા ભવોમાં જ મારૂ કલ્યાણ નિશ્ચિત છે આવી પ્રતીતિ અને દઢનિર્ણય આ જીવમાં પ્રગટે છે. || ૭ || ભલું થયું મેં પ્રભુગુણ ગાયા, વહાલા મારા,
રસનાનો ફળ લીધો રે ! દેવચંદ્ર કહે મારા મનનો, સકલ મનોરથ સીધો રે |
ભવિકજન || I ૮ | ગાથાર્થ :- હે પરમાત્મા ! ઘણું સારું થયું કે મેં આજે આપના ગુણોનું કીર્તન કર્યું. તે કાર્ય કરવાથી હું આ રસના મળ્યાની (જીભ પ્રાપ્ત કર્યાની) સફળતા પામ્યો. શ્રી દેવચંદ્રજી મહારાજશ્રી કહે છે કે આજે મારા મનના સકલ મનોરથો સિદ્ધ થયા. (એમ હું જાણું છું). || ૮ ||
