________________
૫૪
શ્રી દેવચંદ્રજી કૃત ચોવીશી ભાગ : ૨
જીવ જો તે ભાવ લાવવા પ્રયત્ન કરે તો આ જીવનું મોક્ષમાર્ગમાં પ્રયાણ થાય. આ કારણે સાધક આત્માને પરમાત્માનો નામનિક્ષેપો અને સ્થાપનાનિક્ષેપો જ પુષ્ટ નિમિત્તકારણ છે. તેનું જ આલંબન લઈને પોતાનું પરમાત્માપણું સાધીએ. ॥ ૬ ॥
ઠવણા સમવસરણે જિન સેંતિ, વહાલા મારા, જો અભેદતા વાધી રે ।
એ આતમના સ્વસ્વભાવ ગુણ, વ્યક્ત યોગ્યતા સાધી રે II ભવિકજન || || ૢ ||
ગાથાર્થ ઃ- સમવસરણમાં બીરાજમાન જિનેશ્વર પરમાત્માની સ્થાપના જોઈને તેની સાથે મારા આત્માનો અભેદ કરીને (કર્મમેલને દૂર કરીને) મારા પોતાના આત્માના સ્વાભાવિક જે સ્વગુણો છે તેને વ્યક્ત કરવાની આ યોગ્યતા સિદ્ધ થઈ છે. ।। ૭ ।।
વિવેચન :- સમવસરણમાં બીરાજમાન શ્રી વીતરાગ જિનેશ્વર પરમાત્માની અનંત અને અપાર ગુણોથી ભરેલી પ્રતિમાજીને જોઈને મારા આત્માની વિચારધારા બદલાણી છે. મને આવો વિચાર પ્રગટ થયો છેકે “આ અભાગી જીવ કઈ કઈ ગતિમાં ભમ્યો છે. ઘણું ઘણું રખડ્યો છે ક્યાંય કોઈ ગતિમાં સાચા દેવ-ગુરુ મળ્યા નથી. એટલે જ મારી ભવભ્રમણા ચાલું રહી છે.
પરંતુ આજે ઘણું પુણ્ય પ્રગટ્યું છે. આજે સમવસરણમાં બીરાજમાન સ્થાપના જિનેશ્વર પ્રભુની મુદ્રાનાં દર્શન થયાં છે તેમનામાં વર્તતા ગુણો સ્મૃતિગોચર થયા છે જેમ કે “સર્વ કર્મદલનો ક્ષય કરીને અનંતજ્ઞાન, અનંતદર્શન, અનંતવીર્ય, અનંત અવ્યાબાધ સુખ, અક્ષયસ્થિતિ ઇત્યાદિ અનંત ગુણમય સ્વસ્વરૂપ પરમાત્માએ પ્રગટ કર્યું છે. નિશ્ચયનયથી આત્માની અનંત રિદ્ધિ સિદ્ધિ પ્રગટ થઈ છે આવા
