________________
શ્રી મલ્લિનાથ પરમાત્માનું સ્તવન
૧૧૭ તે પરમાત્માની સેવા એ જ પુષ્ટ આલંબન છે તે માટે સર્વ દેવોમાં અને દેવેન્દ્રોમાં ચંદ્રમા સમાન એવા જિનચંદ્ર એટલે શ્રી વીતરાગ અરિહંત પરમાત્મા, તેઓની ભક્તિ તથા તેઓની સેવા કરવી. તેઓની આજ્ઞા માનવી, તેઓની આજ્ઞાને અનુસરવું એ જ આ સંસારસાગર તરવામાં પ્રબળ સાધન છે. પ્રબળ શરણ છે આ જ પરમાત્મા મને તારનારા છે આવા પ્રકારની પરમાત્મા ઉપરની ભક્તિ મનમાં ધારણ કરો. અને મનને પ્રભુની ભક્તિમાં સ્થિર કરો.
દેવોમાં ચંદ્રમા સમાન એવા જિનચંદ્રની (જિનેશ્વર પ્રભુની) ભક્તિ અર્થાત ચરણસેવા મનમાં ધારણ કરો. કે જેનાથી અવ્યાબાધ (જ્યાં અલ્પમાત્રાએ પણ પીડા નથી) એવું, તથા પરમ આનંદ સ્વરૂપ એવું, જેમાં અનંતા અનંતા ગુણો ભરેલા છે એવું, તથા અક્ષય એટલે કે ક્યારેય જે પદનો અંત આવવાનો નથી એવું પરમાત્મરૂપ જે પદ છે તેને પ્રાપ્ત કરનારા થાઓ.
આ પ્રમાણે આત્મતત્ત્વની બાધતાને ત્યજી સાધતામાં રમનારા બનો. જેનાથી આત્મતત્ત્વનું સિદ્ધપદ પ્રાપ્ત કરનારા થાઓ. પરમાત્માની સેવાનું આ જ ફળ છે.
તે માટે આત્માના શુદ્ધ એવા સિદ્ધિફળના રૂચિવાળા હે ભવ્ય જીવો? તમે ઓગણીસમા શ્રી મલ્લિનાથ પ્રભુ કે જે પરમપુરુષોત્તમ, પરમેશ્વર, નિષ્કારણ જગત ઉપર વાત્સલ્યભાવવાળા છે. એવા આ પ્રભુને બહુ જ ઊંચા ભાવથી સેવો - પૂજો આ પરમાત્માને ગાઓ આ પરમાત્માની સ્તુતિ કરો, તેમના ગુણોને યાદ કરી કરીને ધ્યાન કરો સાધકજીવને આ પરમાત્મા જ શરૂઆતથી જ આધાર છે.
આ પરમાત્માનું શરણ સ્વીકારવું એ જ વાસ્તવિક જીવન છે જીવનની સફળતા છે || ૭ || છે ઓગણીસમા શ્રી મલ્લિનાથ પરમાત્માના સ્તવનના અર્થ સમાપ્ત થયા છે.
