________________
( વીસમા શ્રી મુનિસુવ્રતસ્વામીનું સ્તવન
ઓલગડી ઓલગડી તો કીજે શ્રી મુનિસુવ્રત સ્વામિની રે, તેહથી નિજપદ સિદ્ધિ II કેવળ જ્ઞાનાદિક ગુણ ઉલ્લસે રે, લહીએ સહજ સમૃદ્ધિ II
ઓલગડી II 1 II ગાથાર્થ:- સેવા તો અને સેવા તો શ્રી મુનિસુવ્રતસ્વામિની કરો કે જેમની સેવાથી પોતાનું પરમાત્મપદ પ્રાપ્ત થાય છે. કેવજ્ઞાનાદિક ગુણો વિકાસ પામે છે સહેજવારમાં (ચપટી માત્રમાં) જ પોતાના આત્માના ગુણોની સમૃદ્ધિ પ્રાપ્ત થાય છે. || 1 ||
| વિવેચનઃ- હવે વીસમા તીર્થંકર પરમાત્મા શ્રી મુનિસુવ્રતસ્વામી જે છે. તેઓની ગ્રંથકાર સ્તવના કરે છે.
મુનિ એટલે જે નિર્ગસ્થ પંચ મહાવ્રતધારી સાધુ મહાત્મા, તેહમાં સુવ્રત - સારા વ્રતવાળા. નિર્દોષ આચારવાળા એટલેકે સર્વશ્રેષ્ઠ ચારિત્ર ગુણવાળા એવા શ્રી મુનિસુવ્રતસ્વામી પ્રભુ, તેમની ઓલગડી એટલે સેવા કરીએ એટલે કે તેમના ગુણગાન કરીએ જે ગુણગાન કરવાથી પોતાના આત્માનું જે પરમાનંદપદ છે. તેની સિદ્ધિ થાય. આ પરમાત્માની સેવા કરવાથી આત્માના ગુણો પ્રગટ થાય છે.
તથા વલી આ પરમાત્માની સેવા કરવાથી કેવલજ્ઞાનાદિક ગુણો આ સાધક આત્મામાં ઉલ્લાસ પામે છે એટલે કે ચમકે છે અર્થાત્ પ્રગટ થાય છે. એવો પરમાત્માનો પ્રભાવ છે. આ આત્મા જ્ઞાનરૂપી અમૃતરસનો ભોગી થાય છે. તથા આ પરમાત્માની સેવા કરવાથી સ્વાભાવિક એટલે કે અકૃત્રિમ એવી આત્મગુણોની સ્વાભાવિક સમૃદ્ધિ
