________________
સંખ્યાતાદિનું સ્વરૂપ
હવે અનવસ્થિતને અને તેને ખાલી કરવા દ્વારા શલાકાને ભરવો અને શલાકાને ભરી ખાલી કરવા દ્વારા પ્રતિશલાકા સંપૂર્ણ ભરાય ત્યારે પૂર્વની જેમ શલાકા અને અનવસ્થિતને ભરી રાખવો. પ્રતિશલાકા ઉપાડી એકેક દાણો આગળના દ્વીપ સમુદ્રમાં નાખવો. ખાલી થાય ત્યારે સાક્ષીરૂપ બીજો દાણો મહાશલાકામાં નાખવો.
૨૧૭
આ પ્રમાણે અનવસ્થિત વડે શલાકા, શલાકા વડે પ્રતિશલાકા અને પ્રતિશલાકા વડે મહાશલાકા જ્યારે સંપૂર્ણ ભરાય.
અત્યારે પરિસ્થિતિ શલાકા અને અનવસ્થિત સંપૂર્ણ ભરેલ છે. પ્રતિશલાકા ખાલી છે અને મહાશલાકા સંપૂર્ણ ભરાઈ ગયો છે. તેથી મહાશલાકાને ભરેલો એમને એમ રહેવા દેવો, ખાલી કરવો નહિ. કારણકે તેનો સાક્ષીરૂપ દાણો નાખવાનું સ્થાન નથી. પછી શલાકા પ્યાલો ઉપાડી આગળના દ્વીપ સમુદ્રમાં એકેક દાણાં નાખવો. ખાલી કરવો અને સાક્ષીરૂપ દાણો પ્રતિશલાકામાં નાખવો. પછી અનવસ્થિત ઉપાડી ખાલી કરી સાક્ષીરૂપ દાણો શલાકામાં નાખવો. આ પ્રમાણે વારંવાર અનવસ્થિતને ભરવા અને ખાલી કરવા દ્વારા શલાકા ભરાય અને વારંવાર શલાકાને ભરવા અને ખાલી કરવા દ્વારા પ્રતિશલાકા જ્યારે સંપૂર્ણ ભરાઈ જાય ત્યારે તેને ભરેલો રહેવા દેવો. કારણકે તેનો સાક્ષીદાણો મહાશલાકામાં મૂકવાની જગ્યા નથી.
અત્યારે પરિસ્થિતિ અનવસ્થિત ભરેલો છે. શલાકા ખાલી છે. પ્રતિશલાકા અને મહાશલાકા સંપૂર્ણ ભરેલા છે.
ફરી અનવસ્થિતને ભરવા અને ખાલી કરવા વડે જ્યારે શલાકા સંપૂર્ણ ભરાઈ જાય ત્યારે છેલ્લે અનવસ્થિત જ્યાં ખાલી થયો તે માપના દ્વીપ અથવા સમુદ્ર જેવડો-તેના માપનો અનવસ્થિત કલ્પવો. સરસવથી સંપૂર્ણ ભરવો.
આ પ્રમાણે જ્યારે ચારે પ્યાલા સંપૂર્ણ ભરાઈ જાય ત્યારે અસત્ કલ્પનાએ કોઈક એક મોટા દ્વીપમાં આ ચારે પ્યાલાના ભરેલા દાણાઓ એકઠા કરવા એટલે મોટો ઢગલો કરવો. અને પહેલાં ભરી ભરીને
