________________
૨૧૬
પડશીતિ નામા ચતુર્થ કર્મગ્રંથ ખાલી થાય ત્યારે સાક્ષી રૂપ દાણો શલાકામાં નાખવો. આ પ્રમાણે વારંવાર અનવસ્થિત ભરવા અને ખાલી કરવા અને સાક્ષીરૂપ દાણા વડે બીજીવાર શલાકા પ્યાલો ભરાય ત્યારે પૂર્વની જેમ અનવસ્થિત ભરી શલાકા ઉપાડી, ખાલી કરી, પ્રતિશલાકામાં સાક્ષીરૂપ બીજો દાણો નાખવો. આ પ્રમાણે અનવસ્થિતને ભરવા અને ખાલી કરવા દ્વારા શલાકાને અને શલાકાને ભરવા અને ખાલી કરવા દ્વારા પ્રતિશલાકા જયારે સંપૂર્ણ ભરાય ત્યારે શલાકા અને અનવસ્થિતને ભરેલો રાખવો. કારણકે હવે શલાકાનો સાક્ષીરૂપ દાણો પ્રતિશલાકામાં આવે તેમ નથી તેથી પ્રતિશલાકાને ઉપાડી આગળના દ્વીપ સમુદ્રમાં એકએક દાણો નાખવો. જ્યારે પ્રતિશલાકા સંપૂર્ણ ખાલી થાય ત્યારે તેનો સાક્ષીરૂપ બહારનો દાણો મહાશલાકા નામના ચોથા પ્યાલામાં નાખવો.
અત્યારે પરિસ્થિતિ અનવસ્થિત અને શલાકા ભરેલા છે. પ્રતિશલાકા ખાલી કર્યો છે અને મહાશલાકામાં એક દાણો નાખ્યો છે. એટલે મહાશલાકામાં એક દાણો છે.
- હવે શલાકાને ઉપાડી આગળના દ્વીપસમુદ્રમાં એકેક દાણો નાખવો અને ખાલી કરવો અને સાક્ષીરૂપ દાણો પ્રતિશલાકામાં નાખવો. ત્યારબાદ અનવસ્થિત ઉપાડી આગળના દ્વીપ સમુદ્રમાં એકેક દાણો નાખી ખાલી થાય ત્યારે તેનો સાક્ષીરૂપ દાણો શલાકામાં નાખવો. (પણ પ્રતિશલાકામાં ન નાખવો.)
અહીં સાક્ષીદાણા મૂકવાની જગ્યા થવાથી શલાકા અને અનવસ્થિત ખાલી કર્યા.
હવે મહાશલાકામાં ૧, પ્રતિશલાકામાં ૧ અને શલાકમાં ૧ દાણો છે. અને અનવસ્થિત ખાલી છે. આ પ્રમાણે જે દ્વીપ કે સમુદ્રમાં અનવસ્થિત ખાલી થયો તેવડા મોટા દ્વીપ સમુદ્ર જેવો અનવસ્થિત કલ્પી પૂર્વની જેમ સરસવથી ભરવો. અને ખાલી કરવો. અને સાક્ષીરૂપ દાણો શલાકામાં જ નાખવો. એમ ફરી સાક્ષીરૂપ દાણા વડે જ્યારે શલાકા સંપૂર્ણ ભરાય ત્યારે અનવસ્થિત ભરીને રાખવો અને શલાકા ઉપાડી, ખાલી કરવા પ્રતિશલાકામાં એક દાણો નાખવો.
