________________
૧૩
ઉત્કૃષ્ટ સદાચારના સ્વામી સંત પણ બન્યા અને નીચલી કક્ષાના શિથિલાચારી વેપધારી બાવા પણ બન્યા.
પણ અંતે પરમાત્મપદની વરમાળા એમના કંઠે આરોપાઈ ગઈ. નયસારનું જીવન એ પરોઢનું જીવન હતું.
યુગને કોઈ ગણતું નથી. ગણતરી તે પ્રકાશયુગની જ હોય ને! નયસારનું જીવન એટલે પ્રકાશ સંવત્સર ! ત્યાર બાદ અગણિત જીવનો પામીને વિશિષ્ટ કોટિના પચ્ચીસમાં જીવનને એ આત્મા પામે છે. દુ:ખમય અને પાપમય જગતનું દર્શન કરતાં એની આંખો રડી ઊઠે છે. અંધકારમય જગતને પ્રકાશ દેવા અંધકારને ચીરી નાખવો જ રહ્યો, પહેલો પોતાને અને પછી જગતને. ઘર ત્યાગ-તપના તાતા પુરુષાર્થના એ વાઘનખ પહેરે છે. અને સત્તાવીસમા જીવનમાં બેતાલીસ વર્ષની ઉંમરે સંપૂર્ણ અંધકારને ભેદી નાખીને એ આત્મા પૂર્ણ પ્રકાશ પ્રાપ્ત કરે છે. તે વખતે જગતના જીવો ઉપર ચોંટી ગએલાં કાળાં ડીબાંગ કાર્મિક અણુઓના જથ્થાને નિહાળે છે. એ અણુના સર્જન અને વિસર્જનની પ્રક્રિયાને પણ જાણે છે, અને એની પ્રચણ્ડ તાકાત નીચે ચગદાએલા જીવોની કારમી કરુણતા પણ જુવે છે.
જગતના ખૂણે ખૂણે કરુણામયી માતા ભગવાન મહાવીર ફરે છે. સહુને સમજાવે છે. કાર્મિક અણુઓના ફોટ વિસ્ફોટનું વિજ્ઞાન, સર્જન-વિસર્જનનું તત્ત્વજ્ઞાન !
પરમાત્મા ભગવાન મહાવીરે કર્મનું જે વિજ્ઞાન કહ્યું તેમાંનું જ કાંઈક માત્ર -બિંદુ જેટલું-આ પુસ્તકમાં રજૂ કરવામાં આવ્યું છે.
આપણે સહુ કર્મના તત્વને સારી રીતે જાણીએ, એના વિસર્જનની પ્રક્રિયા સમજીએ અને એ પ્રક્રિયાને વેગીલી બનાવીને આત્મા મટી, અન્તરાત્મા બનીએ; અન્તરાત્મા મટીને પરમાત્મા બનીએ એ જ અભિલાષા.
૨૦૨૪ પોષ પૂર્ણિમા કોઠીપળ જૈન ઉપાશ્રય વડોદરા
લિ. ચન્દ્રશેખરવિજય
