________________
10
બેડીથી બંધાએલા એ નવમાં મહિનાવાળી બાઈએ, સ્તનપાન કરાવતી બાઈએ ભોજન બનાવનારીએ, છાસ બનાવનારીએ, ઘઉં આદિ સચિત્તપદાર્થ સાફ કરવાવાળીએ, કપડાં ધોનારીએ, વાસણો માંજનારીએ, ઝાડુ કાઢવાવાળીએ, લાઈટનું બટન દબાવનારીએ, પાણી ભરવાવાળીએ, નળ ટાંકી આદિ જળને સ્પર્શ કરનારીએ, જેના કપડા ભિજેલા હોય એણે, નાહીને તરતજ, હાથ ધોઈને તરતજ એવી વ્યકિતઓએ જીવ વિરાધના કરેલી હોવાથી એ એ સમયે અસુઝતા ગણાય છે. એમણે વહોરાવવાની ક્રિયા ન કરવી જોઈએ. સચિત્ત પદાર્થને અડકેલા વ્યકિતએ બીજા પદાર્થને કે જે વહોરાવવા યોગ્ય છે એને ન અડવું જોઈએ. જો એ, એ પદાર્થને અડી જાય તો એ પદાર્થ પણ અસુઝતો થઈ જાય. જેમ કરંટ લાગેલા વ્યકિતને કોઈ અડકે તો એને પણ કરંટ અસર પહોંચાડે છે એમ એ પદાર્થ પણ અસુઝતો (નહીં વહોરવા યોગ્ય) થઈ જાય છે.
ગર્ભવતી બાઈને છેલ્લો માસ ચાલતો હોય તો મુનિરાજ આવે ત્યારે એ બેઠી હોય તો એને એની પાસે વહોરાવવાની કોઈ વસ્તુ હોય તો એ બેઠી બેઠી વહોરાવી શકે છે. એને કોઈ પદાર્થ લાવી આપે તો પણ એ બેઠી બેઠી વહોરાવી શકે છે. બાળક, વૃદ્ધ, અંધ આદિનો હાથ પકડીને કોઈ વહોરાવે તો એ પણ વહોરાવી શકે છે.
સચિત્તને સ્પર્શિત વ્યક્તિને સમય થઈ ગયો હોય. મહારાજ આવવા પહેલાં એણે પોતાના ઘર કાર્ય માટે હાથ વિગેરે સાફ કરી લીધાં હોય તો એ વહોરાવી શકે છે. જેમ કે પોતાના કાર્ય માટે લાઈટ કરી એ સમયે મુનિભગવંત પડોસીના ઘેર હતા અને પછી મહારાજ પધાર્યા ત્યારે એ બાઈએ સ્વીચને સ્પર્શ ન કર્યો હોય તો એ વહોરાવી શકે છે એમ બધે સમજી લેવાનું. શ્લેષ્માદિથી હાથ ખરડાએલાં હોય, એંઠા હાથ હોય તોપણ
