________________
પ્ર.૧
જ.૧
પ્ર.૨
જ.૨
પ્ર.૩
ગૌતમસ્વામી અને મહાવીરસ્વામી ભ.ની પ્રશ્નોત્તરી
(ગૌતમપૃચ્છા અંતર્ગત)
પ્રથમ ગણધર શ્રીગૌતમસ્વામીએ છેલ્લા તીર્થંકર શ્રીમહાવીર પ્રભુને પ્રથમ પ્રશ્ન પૂછતાં કહ્યું : “હે કરુણાસાગર ! કયા કર્મને લીધે જીવ નરકે જાય છે ?''
તે વખતે ત્રણ જગતના પૂજ્ય પ્રભુશ્રીએ કહ્યું : “જે જીવહિંસા કરે છે, જૂઠું બોલે છે, ચોરી કરે છે, પરસ્ત્રીનું સેવન કરે છે, ઘણા પ્રકારના પાપ પરિગ્રહમાં આસક્ત હોય છે, એ રીતે પાંચ અણુવ્રતને વિરોધે છે. તેમજ અતિ ક્રોધી, અતિ માની, ધૃષ્ટ, માયાવી, રૌદ્રસ્વભાવી પાપી, ચાડી ખાનાર, અતિ લોભી, સાધુની નિંદાકરનાર, અધર્મી, અસંબદ્ધ વચન બોલનાર, દુષ્ટ બુદ્ધિવાળો, કૃતઘ્ન હોય તે જીવ અત્યંત દુઃખ અને શોક પામીને નરકમાં જાય છે.
“હે ક્ષમાસાગર ! આ જ જીવ સ્વર્ગલોકમાં કયા કારણોથી જાય છે?’’
‘હે ગૌતમ ! જે જીવ તપમાં, સંયમ-ચારિત્રમાં અને દાનમાં રુચિવાળો હોય; જે સ્વભાવથી ભદ્ર-સરળ પરિણામી, દયાવંત હોય તથા ગુરુવચનમાં શ્રદ્ધાવાળો હોય, જ્ઞાન, દર્શન અને ચારિત્રનો આરાધક હોય તે જીવ મૃત્યુ પામીને હંમેશાં દેવલોકમાં ઉત્પન્ન થાય છે.” “હે દયાસાગર ! જીવ મરીને તિર્યંચપણે શાથી ઉત્પન્ન થાય છે ?”
