________________
પૂજયશ્રી : આપણે કાંઈ તેવા જ્ઞાની નથી કે, નિશ્ચયથી કહી શકીએ. એમાં પણ સદાચાર સંપન્ન આત્માઓ હોવાનો સંભવ છે, પણ આપણી તો વર્તમાનના વાતાવરણ પૂરતી વાત છે. એ રીતે વર્તનાર બધા જ શીલભ્રષ્ટ છે એમ ન કહેવાય, તોય શીલના નિયમોને જાળવવાની ઉપેક્ષા એ શીલની ઉપેક્ષા છે, એમ અવશ્ય કહી શકાય. શીલતા અર્થીએ વિવેકપૂર્વક મર્યાદાઓનું
પાલન કરવું જોઈએ
સભા : બીજા દેશોમાં એવું ક્યાં થાય છે ?
પૂજ્યશ્રી : ત્યાં રોજ છૂટાછેડા થાય છે ? ત્યાંની અદાલતોમાં છૂટાછેડા મેળવવા માટેના રોજના દાવા કેટલા હોય છે ? એ વાદીપ્રતિવાદી ઉભયના નિવેદનો કેટલીક્વાર તો એવા વિચિત્ર હોય છે કે, સ્વચ્છ વાતાવરણવાળા દેશમાં જન્મેલાને ત્રાસ ઉપજે. ઘૃણા થાય કે – આ ધણી ધણીઆણી ? આ દેશમાં નાદારીની અદાલતો તો આવી. હવે છૂટાછેડાની અદાલતો લાવવી છે ? એ અદાલતોને લાવવાની આજે ભૂમિકાઓ તૈયાર થઈ રહી છે. આજે ભોળાઓ ધાર્મિક શબ્દોના નામે ઉન્માર્ગે ઘસડાઈ રહ્યાા છે. બિચારા પોતાની ઉન્નતિ માનીને અવનતિના માર્ગે દોડી રહ્યા છે. એવાઓ તો ખૂબ જ દયાપાત્ર છે. અનાર્યદેશની વાત ન કરો ત્યાં તો પરને ચુંબન થાય છે અને ગમે તે પુરુષ ગમે તે સ્ત્રીનો હાથ પકડી નાચે છે. અહીં એ કરવુ છે અને શીલ સાચવવું છે અનાર્યદેશના રિવાજ જેમ જેમ ફેલાતા જશે તેમ તેમ શીલ ભાગશે અને શાન્તિ પણ ભાગશે. નાદારીની જેમ છૂટાછેડાની પદ્ધતિસર અદાલતો થશે. નાદાર આદમી સાંજ સુધી પૈસા લે અને બીજી સવારે નાદારીમાં જાય. આવી નાદારીને લીધે જેમ કોને ત્યાં જમે મૂકવા કે કોને ધીરવા એની પંચાત ઉભી થઈ છે, તેમ છૂટાછેડાનું કામ ચાલ્યું એટલે કોને પરણવું એ રોજની પંચાત થશે, રોજ નવી ચૂડી ફૂટતી સંભળાશે. આજે મર્યે ફૂટે છે, પછી જીવતે ફૂટવા માંડશે. અનાર્યોની છાયાથી છવાયેલા માણસોની પડખે ન જાઓ,
..સીતાદેવીને સ્વઘ્ન અને અનિષ્ટ નિવારણનો ઉપાય............
૧૧૯
