________________
૧૧૮
cerceReRLeReadere Release
સીતાને કલંક ભાગ-૬
બેન પણ મર્યાદાથી જ વર્તે. બોલવા-ચાલવામાં અને બેસવા ઉઠવામાં મર્યાદા હીતપણે યુવાનોમાં મા-દીકરાથી કે ભાઈ-બહેનથી પણ ન વર્તાય. બધા નારદજી જેવા અખંડ બ્રહ્મચારી ન હોય અને શ્રીમતી સીતાજી જેવી બધી સ્ત્રીઓ સતી ન હોય, શીલના અર્થી આત્માઓએ નિરંતર સાવધ રહેવું જોઈએ અને કુશીલતાને લેશ પણ અવકાશ ન મળે તે જોયા કરવું જોઈએ.
આજે તો દિવસે દિવસે વિપરીત પ્રવૃત્તિ વધતી જાય છે. પરપુરુષ અને પરસ્ત્રીનો સંસર્ગ વધતો જાય છે. શીલ સંહારક એવા એ સંસર્ગને આજે ઉદયનું ચિન્હ માનવામાં આવે છે, પુરુષોની સભામાં સ્ત્રીઓ ભાષણ કરવા જાય, પિકનીક કરવા જાય કે પ્રભાતફેરીના નામે રખડવા નીકળે, એમાં ઉદય નથી પણ નાશ છે. ધર્મજીવનનો નાશ થાય, એવા ખેલ ન હોય, દુનિયાની સાધના માટે ધર્મજીવનના નાશની પ્રવૃત્તિ ચલાવનારાઓ ગમે તેવા ધર્માત્મા કહેવાતા હોય, તે છતાં પણ તત્વજ્ઞ આત્માઓની દૃષ્ટિએ તો તે બધા અજ્ઞાન અને અધમ જ છે.
સભા: આજે તો આવું બહું ચાલી રહ્યાં છે
પૂજ્યશ્રી: માટે તો ધ્યાન ખેચવું પડે છે. અંતરગત સડો વધતો જાય છે. એ પ્રવાહમાં તણાવા જેવું નથી. સૂર્યની સામે જોતાની સાથે જ જેમ દષ્ટિ ખસેડી લેવી પડે છે. તેમ પુરુષે પરસ્ત્રી સામેથી અને સ્ત્રીએ પરપુરુષ સામેથી દષ્ટિ ખસેડી લેવી જોઈએ. વિષયવાસના, એ કાંઈ આજ કાલની છે ? અનન્તકાળથી જીવો એમાં ટેવાયેલા છે, એટલે નિમિત્ત, પામીને પડતાં વાર લાગે નહિ. સમર્થ બ્રહ્મચારી મહાત્માઓને બ્રહ્મચર્યના સંરક્ષણ માટે નવ વાડો બતાવી, તેનું કારણ શું ? તે નબળા હશે કેમ? નહિ. તેઓ પરમસત્ત્વશીલ હતા, પણ તે મહાત્માઓમાં સાચું જ્ઞાન અને સાચું પરોપકારીપણું હતું. એ આજના જેવા ઉઠાઉગીર નહિ હતા કે નૈષ્ઠિક બ્રહ્મચર્યાદિના નામે સઘચારોની સંરક્ષક મર્યાદાઓને દેશવટો દઈ દે અને બીજાઓને પણ તેમ કરવાનું કહે.
સભા : શું એ બધામાં કોઈ સારા નહિ રહેતા હોય ?
