________________
पडतं सामिसीसाओ, ण्हवणंबु पडिच्छिय । खिवेइ मत्थए इंदो, संतत्तो कुंजरो विव ॥१४१।। ते चउरो वि वसहा, उवसंहरिया खणा। इंदेण इंदजालं व, इंदजालियसामिणा ॥१४२।। एवं ण्हवित्तु विच्छड्डा, सोहम्मिदो तओ पहुं । आमज्जइ सुवत्थेहि, रयणदप्पणं विव ॥१४३।। दिव्वेणमंगरागेण, चच्चिऊण जगप्पहुं । सदसेहिं सुवत्थेहिं, दिव्वपुप्फेहिं पूयए ॥१४४।। सेहरकुण्डलमुत्ताहारकेऊरकंकणा । कडिसूत्तं कडयाइं, जहट्ठाणं निवेसए ॥१४५।। तओ आरत्तियं इंदो, समुत्तारेइ सामिणो । देवा खिवंति पुप्फाणि, निम्मलाणि मणाणि व ॥१४६॥ एवं एहवित्तु पूइत्ता, अप्पाणं कयकिच्चयं । मण्णमाणो सुराऽहीसो, संथुणेइ जयप्पहुं ॥१४७।। जय अट्ठमतित्थेस !, जय संसारतारय ! । जय तिलोयजीवाणं, निन्निबंधणबंधव ! ॥१४८।। तेलोक्कं रायदिप्पंतं, दळूणं कारवाइया । उल्हाणा दाणि मे दिट्ठी, दिढे चंदे व्व ते मुहे ॥१४९।। अहुणा भारहे खित्ते, तइ भाणुम्मि उग्गए। कीलंति मिलिया चोज्जं, नाह ! सव्वे वि कोसिया ॥१५०॥ अज्ज हत्था कयत्था मे, ण्हवणं जेहिं ते कयं । न हु वुट्टि विणा मेहो, कया वि सहलो हवे ॥१५१॥ मज्झिमो वि तए नाह !, जाओ संपयमुत्तमो । मच्चलोओ जहा रासिविसेसेण गहो सुहो ॥१५२।।
इन्द्रादिरचितो जन्ममहः ।
२८५
