________________
ससिरीयं जगं दाणि, जायं तुमंमि आगए ।
न विणा कोत्थुहं लच्छी, विण्हुवच्छत्थले सिया ॥१५३॥
इंदेहिंतो वित्ता, मच्चा उच्चत्तमागया । जं ते देसणनिस्सेणि, रूढा सिज्झंति नो वयं ॥ १५४॥ वायालावि सया जीहा, तुमंमि कयसंथवा । कयत्था जेण मेहंबु, सुत्तीए होइ मोत्तियं ॥१५५॥ एवं णित्तु तित्थे, पमोयमोइमाणसो । अप्पाणं पंचहा किच्चा, सोहम्मेसो पुरा जहा ॥१५६॥
ईसाणसामिणो अंका, गिण्हित्ता सामिणं तओ । लक्खणालंकियं गेहं, पत्तो जुत्तो सुरेहिं सो ॥ १५७॥ जुग्गं ॥
संहरित्तु पडिच्छंदं, सामिणो मोत्तु अंत्तिए । हरेइ निद्दं देवीए, पोमिणीए जहा रवी ॥ १५८ ॥
दुगूलजुगलं सीसे, रयणकुंडलद्दुगं । नहे रवि व्व उल्लोचे, ठावेइ केलिगंडुयं ॥ १५९ ॥
न थन्नपाइणो जेण, अरिहंता तओ हरी । संकमेइ जिणंगुट्टे, नाणाहाररसामियं ॥१६०॥ जिणस्स पिउणो गेहे, हिरण्णरयणाईयं । पूरणीयं तए इत्थ, जक्खेसं आइसेइ सो || १६१ ॥
जिणमाइजिणंदाणं, विरूवं चितिही य जो । तस्सऽज्जयमंजरि व्व, सत्तहा फुट्टिही सिरं ॥ १६२॥
एवं सव्वाण देवाणमाणवित्तु सुराऽहिवो । नंदीसरम्मि अट्ठाहिं, किच्चा सट्टामागओ || १६३॥
लक्खणा वि पडिबुद्धा, सभत्तणो कहेइ तं । सिविणं पिव रत्तीए, वृत्तंतं सलं तओ ॥ १६४॥
२८६
चन्द्रप्रभचरित्रे द्वितीयः परिच्छेदः ।
