________________
१७५]
देवदत्ता
६७
सुउमाल... सुरूवा । तए णं तीसे दारियाए अम्मापियरो निव्वत्तवारसाहियाए विउलं असणं ४ जाव मित्तनाइ... नामधेज्जं करेन्ति... - "...तं होउ णं दारिया देवदत्ता नरमेणं ।' तए णं सा देवदत्ता दारिया पञ्चधाईपरिग्गहिया जाव परिवडइ ॥ १७३ ॥
तपणं सा देवदत्ता दारिया उम्मुकबालभावा जोव्वणेण रूवेण लावण्णेण य जाव अईव उक्किट्ठा उक्किट्ठसरीरा जाया यावि होत्था । तए णं सा देवदत्ता दारिया अन्नया कयाइ व्हाया जाव' विभूसिया बहूहिं खुजाहिं जांव परिक्खित्ता उपि आगासतलगंसि कणगतिंदूसेणं कीलमाणी विहरह ॥ १७४ ॥
इमं च णं वेसमणदत्ते राया पहाए जाव 'विभूसिए आसं दुरुहित्ता बहूहिं पुरिसेहिं सद्धिं संपरिवुडे आसवाहिणियाए निजायमाणे दत्तस्स गाहावइस्स गिहस्स अदूरसामन्तेणं वीइवइ । तए णं से वेसमणे राया जाव वीइवयमाणे देवदत्तं दारियं उपि आगासतलगंसि कणगर्तिदूसेणं कीलमाणि पासइ । देवदत्ताए दारियाए जोव्वणेण य लावण्णेण य जाव विम्हि कोड बियपुरिसे सहावेइ, २ एवं वयासी - "कस्स णं, देवाणुपिया, एसा दारिया, किं वा नामधेजेणं ? " तए णं ते कोडुम्बियपुरिसा वेसमणरायं करयल जाव एवं वयासी - "एस णं, सामी, दत्तस्स सत्थवाहस्स धूया कण्हसिरीए भारियाए अत्तया देवदत्ता नामं दारिया रूवेण य जोव्वणेण य लावण्णेण य उक्किट्ठा उक्किट्ठसरीरा ” ॥१७५॥
तए णं से वेसमणे राया आसवाहिणियाओ पडिनियत्ते समाणे अभिन्तरठाणिज्जे पुरिसे सदावेइ, २ एवं वयासी
-
