________________
१६
श्री महानिशीथ सूत्रम् - अध्य. १
तिदंडासवसंवुत्ता, पुरिसकहासंगवज्जिया । पुरिससंलावविरयाओ, पुरिसंगोवंगऽ निरिक्खणा ।। १४२ ।।
निम्ममत्ताउ ससरीरे, अप्पडिबद्धाउ महायसा ।
भीया छी छी गब्भवसहीणं, बहुदुक्खाउ भवसंसरणा उ तहा ।।१४३।।
ता एरिसेणं भावेणं, दायव्वा आलोयणा ।
पायच्छित्तं पि कायव्वं, तह जह एयाहि समणीहिं कयं || १४४ ।। ण उण तह आलोएयव्वं, मायादंभेण केणई | जह आलोयणमाणीणं पावकम्मवुडी भवे || १४५ ।। अणंताणाइकालेणं, मायादंभछम्मदोसेणं । कवडालोयणं काउं, समणीओ ससल्लाओ । आभिओगपरंपरेणं, छट्टियं पुढविं गया || १४६ ॥ कासिंचि गोयमा ! नामे साहिमो तं निबोधय । जाओ आलोयमाणाओ भावदोसेण सुट्टुतरगं पावकम्ममलखवलिय ।।१४६-अ ।।
तवसंजमसीलंगाणं, णीसल्लत्तं पसंसियं ।
तं परमभावविसोहीए, विणा खणद्धपि नो भवे ।। १४७ || तो गोयमा ! केसिमित्थीणं, चित्तविसोही सुनिम्मला । भवंतरेवि नो होही, जेण सिल्लया भवे ॥१४८ ।। छट्ठट्ठमदसमदुवालसेहिं सुक्खंति के वि समणीओ । तह विय सरागभावं, णालोयंती ण छति ॥ १४९ ॥ बहुविहविकप्पकल्लोलमालाउक्कलिगाहिणं । वियरंतं तेण लक्खिज्जा, दुरवगाहमणसागरं ।। १५०।।
