________________
श्री महानिशीथ सूत्रम्
१७
ते कहमालोयणं 'देंतु, जासि चित्तं पि नो वसे । सल्लं जो ताणमुद्धरए, स वंदणीओ खणे खणे ।।१५१।। असिणेहपीइपुव्वेण, धम्मसडुल्लसावियं । सीलंग-गुणट्ठाणेसु, उत्तमेसुं धरेइ जो ।।१५२।। इत्थीबहुबंधणा विमुक्कं, गिहकलत्तादिचारगा । सुविसुद्ध-सुनिम्मल-चित्तं, णीसल्लं सो महायसो ||१५३।। दट्ठव्वो वंदणीओ य, देविंदाणं स उत्तमो । 'दीणकयत्थी सव्वपरिभूय, विरइट्ठाणे जो उत्तमे धरे ।।१५४।। णालोएमि अहं समणी, दे कहं किंचि साहुणी । बहुदोसं न कहं समणी, जं दिटुं समणीहिं तं कहे ।।१५५।। असावजकहा समणी, बहुआलंबणा कहा । *पमायखामगा समणी, पाविट्ठा 'बलमोडीकहा ।।१५६।। लोगविरुद्धकहा तह य, परववएसालोयणी । सुयपच्छित्ता तह य, जायादीमयसंकिया ।।१५७।। मूसागारऽभीरुया चेव, गारवतियदूसिया तहा । एवमादिअणेगभावदोसवसगा पावसल्लेहिं पूरिया ।।१५८।। अणंताअणंतेणं कालसमएण, गोयमा ! अइक्कतेणं । अणंताओ समणीओ, बहुदुक्खावसहं गया ।।१५९।। गोयम ! अणंताओ चिट्ठति, जाऽणादीसल्लसल्लिया ।
भावदोसेक्कसल्लेहिं जमाणीओकडुविरसंघोरुग्गुग्गतरं फलं ।।१६०।। १. 'देमु' पाठान्तरमिति । २. अपरिभूतेन दीनाः कृताः स्त्रियो येन स तथेति ।
३. आमंत्रणे पादपूर्ती वेति । ४. प्रमादेन संयमदेहापेक्षया क्षामका दुर्बलेति । ५. बलात्कारकथेति कथ्यते ययेति । ६. जात्यादिमदशङ्कितेति ।
