________________
શ્રી વિનયવિજયજી
આવ્યો હશે. નવપદ તે શ્રી અરિહંત, સિદ્ધ, આચાર્ય, ઉપાધ્યાય, સર્વ સાધુ, દર્શન, જ્ઞાન, ચારિત્ર અને તપ છે. આ નવપદનો મહિમા અગાધ છે. અને તેથી તેનું આ શ્રીપાલ રાસમાં જણાવ્યા પ્રમાણે યથાવિધિ અનુસરણ કરવાથી મુક્તિમાર્ગ સાધી શકાય છે. આ રાસ સંપૂર્ણ સ્વ. શા. ભીમશી માણેકે અર્થસહિત છપાવેલ છે.
૫. ભગવતી સૂત્રનો સ્વાધ્યાય શ્રી ભગવતી સૂત્રમાં શ્રી મહાવીર ભગવાને પોતાને ગૌતમ સ્વામીએ પૂછેલા ૩૬000 પ્રશ્નોના ઉત્તરો છે. તેથી તેમાં દ્રવ્યાનુયોગાદિ તાત્ત્વિક વાતો આવવાથી સમાજમાં પવિત્રમાં પવિત્ર સૂત્ર છે. આ સુત્ર શ્રી વિનયવિજયજી મહારાજે સં. ૧૭૩૮માં રાંદેરમાં ચોમાસું કર્યું ત્યારે સંઘને વાંચી સંભળાવ્યું હતું, અને આ સઝાયમાં તે સૂત્ર સાંભળી કરવા જોઈતાં કાર્યો, અને તેથી થતાં ફલ ફક્ત ૨૧ ગાથામાં જણાવ્યાં છે. આ સઝાય, સઝાયમાલા, સઝાયપદસ્તવનસંગ્રહ આદિમાં છપાઈ ગયેલ છે.
૬. પડુ આવશ્યકનું સ્તવન છ આવશ્યક એટલે સામાયક, ચતુર્વિશતિસ્તવ (ચોવીસથ્થો), વંદન (વાંદણાં), પ્રતિક્રમણ, કાર્યોત્સર્ગ અને પ્રત્યાખ્યાન (પચ્ચખાણ) એ છે કે જે હમેશાં કરવા યોગ્ય જરૂરની નિત્યક્રિયા છે તેનું ટૂંક વર્ણન છ ઢાલથી આપેલ છે. આ સ્તવન શા. હીરાચંદના પ્રતિક્રમણમાં તેમજ અન્યમાં છપાઈ ગયેલ છે.
૭. જિનપૂજાનું ચૈત્યવંદન આ બહુ જ નાનું ચૈત્યવંદન છે. ચૈત્યવંદન એટલે જિનાલયમાં જતાં જિન પ્રભુને વંદન કરતાં બોલવાનું સ્તવન.
૮. આદિજિન વિનતિ શ્રી ઋષભનાથ પાસે દીનતાથી પોતાના દુર્ગુણો નિવારી સંસાર સમુદ્રથી તારી બાલક જેમ પિતાને વીનવે તેમ આમાં વિનંતિ કરી છે. આ સઝાયપદસ્તવનસંગ્રહ આદિમાં છપાયેલ છે.
