________________
અગ્રવચન
૧૧
નિરાકરણ લાવી આશ્રયી જનોને સંતોષ આપવાથી વિમુખ રહે, પ્રત્યુત પોતાની મૂળ રાજધાનીની પ્રજા સાથે પણ નિષ્કારણ કલેશ કર્યા કરે અને શાંતિ ન જાળવી શકે, તો કઈ પ્રજા તેને કમજોર કે કર્તવ્યભ્રષ્ટ કહ્યા વિના રહે? જૈનદર્શન જો સર્વ દર્શનમાં શિરોમણિ છે એમ માનો છો તો એ જ સમર્થદર્શનના અનુયાયીઓ ઉપર કહી ગયા તેવા ચક્રવર્તીના સરખું વર્તન કરે તો જગતમાં કેવો અનાદર પામે એ વિચારવું બહુ મુશ્કેલ નથી.
જ્યાં પોતાના ઘરની વિગતો નય દ્વારા તપાસવાનું સામર્થ્ય ન હોય અર્થાત કઈ અપેક્ષાનો અતિ આગ્રહ કરવાથી આપણે બે મુખ્ય ભાગોમાં એટલે દિગંબર શ્વેતાંબરમાં વહેંચાઈ ગયા છીએ તેમ જ શ્વેતાંબરમાં પણ કયા હેતુથી પ્રભુપ્રતિમા દ્વારા અને પ્રભુનામ દ્વારા તેની પ્રાપ્તિના પ્રયાસમાં તેની તલ્લીનતા આવી પડી છે, તેવી જ નયમીમાંસા
જ્યાં શાંતિથી ન થઈ શકતી હોય, ત્યાં પછી જગતના ધર્મોની અપેક્ષા સમજી એકત્ર કરવાનો વિચાર કરવો એ શું વિવેકી જનોને કરુણા ઉપજાવનાર નથી ?
આનું કારણ બનયજ્ઞાન જિનશાસ્ત્રમાં ભરપૂર છે અને અમે સ્યાદ્વાદ કે નયવાદ માનનારા છીએ' એવાં વચનોરૂપે ટૂંકામાં અનેકાંત વાદી જૈનદર્શનમાં હાલમાં પ્રભુના તે સત્યવાદને છોડી એકાંતવાદી થઈ ખંડખંડમાં વહેંચાઈ વિરોધના સ્થાનરૂપ થતું ચાલ્યું છે-એ વિશેષ ખેદની વાત છે. વચનોરૂપે આ નયવાદ સમજાયો નથી એટલું જ નહિ પણ નયમાં ગંતવ્યતા છતાં પોતે જ એકાંતવાદી હઠી-કદાગ્રહી થઈ પોતાના દર્શનનો વિનાશ કરવા માંડ્યો છે તે ઘણાક વિચારવાનોને દેખાઈ આવતાં તેઓથી પૂર્ણ સખેદ થઈ જવાય છે.
શું પોતે ચોથા ધોરણમાં આવ્યા એટલે ત્રીજા ધોરણવાળા ખોટા, અથવા ત્રીજા ધોરણ સુધી ભણ્યા એટલે ચોથું આવડી ગયું? એ સમજવું એ કેવું મૌખ્ય !! ત્રણ અંગને માનનારા ચોથું ન દેખતા હોય, તો તેનું શાંતિથી કારણ બતાવ્યા વગર ચાર અંગવાળા પોતે તેઓને સ્કૂલમાંથી જ રજા આપે એ કેવો ન્યાય ! ખરતર અગ્નિ જેવા શબ્દબાણો ફેંકી સંસારવૃદ્ધિ કરાવાય એ કેવું ? વીતરાગભાવે પ્રભુપ્રતિમા પૂજે અને
