________________
પૂ. પાલતાશ્રીજીની જીવન ઝરમર ગુરુની આજ્ઞા એટલે આજ્ઞા, એમાં કોઈ બીજા વિકલ્પને અવકાશ જ ન હોવો જોઈએ.
આ વાત પ્રભાબહેનના જીવનમાં ત્યારે ચરિતાર્થ થતી જણાઈ કે - જ્યારે ગિરધરનગરથી સુશ્રાવક શા. હીરાભાઈ તથા રતિભાઈ પટવા તેમની દીક્ષા ગિરધરનગરના આંગણે જ ઉજવાય તે માટે ભારપૂર્વક વિનંતિ કરવા આવેલા, અને પોતે પણ સાથે આવેલા. તેમના મનમાં એવું તો ખરું કે ગુરુ મહારાજ જો વિનંતિ સ્વીકારે ને દીક્ષા ગિરધરનગર થાય તો સારું જ છે. પણ જ્યારે પૂ. પંન્યાસ શ્રી વિજયજી મહારાજે તેમને એમ કહ્યું કે દીક્ષા પાંજરાપોળ થાય એ જ યોગ્ય છે. ત્યારે વચમાં કાંઈ પણ દલીલ કે તર્ક લાવ્યા સિવાય આપ જે કહો તે પ્રમાણ” એમ કહી ગુરુભગવંતની આજ્ઞાને હર્ષભર્યા હૈયે વધાવી લીધી. તારવાની તીવ્રતાલાવેલી
પોતે તો સંસારમાંથી નીકળ્યા પણ પોતાનો નાનો પુત્ર તથા પતિ પણ સંસારમાંથી કેમ જલ્દી નીકળે તેવી રોજ ભાવના ભાવે અને અવસર આવે ત્યારે તે માટે સચોટ પ્રેરણા પણ આપે. એમ કહેવાય છે ને કે સાચા દિલની ભાવના ફળ્યા સિવાય રહેતી નથી. એમની એ ભાવના ફળી અને વિ.સં. ૨૦૧૭ના માગસર સુદ પના સૂરત મુકામે નાના પુત્ર ભાઈ પ્રવીણે પૂજ્ય ઉપા. શ્રી મેરુવિજયજી મહારાજ આદિના વરદ હસ્તે તથા એજ વર્ષે જેઠ સુદ ૪ના પોતાના પતિ હીરાભાઈએ પણ અમદાવાદ ગિરધરનગરમાં મહોત્સવપૂર્વક પૂજ્ય આચાર્ય મહારાજ શ્રી વિજય અમૃતસૂરીશ્વરજી મ. શ્રી આદિના વરદ હસ્તે સંયમ સ્વીકાર્યું. અને તેઓ અનુક્રમે મુનિશ્રી પ્રદ્યુમ્નવિજયજી તથા મુનિ શ્રી હીરવિજયજીના નામે જાહેર
થયા.
